འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོའི་འཕེལ་རྒྱས་ལྟེ་གནས་ཁང་དུ་ཁུངས་ལྡན་གྱི་གནས་ཚུལ་འབྱོར་བ་ལྟར་ན་བྲག་མགོ་རྫོང་སྲིད་གཞུང་ལས་ཁུངས་ནས་འདས་པའི་ཟླ་བ་གཅིག་གཉིས་ཙམ་གྱི་ནང་དུ་བྲག་མགོ་དགོན་པའི་ཉེ་འདབས་སུ་ཡོད་པའི་བྲག་མགོ་ནང་བསྟན་སློབ་གླིང་དང་མ་ཎིའི་ལག་འཁོར། ཕི་ཊི་ ༩༩ ཙམ་ཡོད་པའི་སྟོན་པའི་སྐུ་བརྙན་བཅས་གཏོར་བཤིག་བཏང་བ་མ་ཟད་གང་སར་དམག་མི་དང་ཉེན་རྟོག་པ་འགྲེམ་འཇོག་གིས་བོད་མི་ཚོའི་འགྲོ་འདུག་སྤྱོད་གསུམ་དང་དྲྭ་ལམ་གྱི་བྱ་སྤྱོད་སོགས་ལ་དོ་དམ་བྱེད་ཤུགས་སྔར་ལས་ཀྱང་ཇེ་ཆེར་གཏོང་བཞིན་ཡོད་པ་རེད།
བོད་ཀྱི་སྐད་ཡིག་དང་རིག་གཞུང་རྩ་མེད་བཏང་སྟེ་རྒྱ་ནག་ཅན་དུ་བསྒྱུར་བའི་སྲིད་ཇུས་ལག་ལེན་གྱི་ཁྲོད་དུ་རྒྱ་ནག་གཞུང་གིས་སྡང་ཟུག་ཆེ་ཤོས་བྱེད་ས་ནི་བོད་ཀྱི་རིག་གནས་དང་སྐད་ཡིག་གི་ཆུད་ཚད་མཐོ་ཞིང་སྤྱི་ཚོགས་ཁྲོད་གདེང་འཇོག་ཆེན་པོ་ཡོད་པའི་བོད་ནང་གི་ན་གཞོན་རྩོམ་པ་པོ་དང་ཤེས་ལྡན་མི་སྣ་རྣམས་ཡིན་པ་རེད།
ཉེ་ལམ་ཟླ་འདིའི་ཕྱི་ཚེས་ ༡༠ ཉིན་རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོར་བོད་ཤར་ཕྱོགས་ཨ་མདོ་རྔ་པ་ནས་ཡིན་པའི་བོད་ཀྱི་སློབ་གསོ་བ་ཆེན་མོ་སྒོ་ཤེས་རབ་རྒྱ་མཚོ་ལགས་ལ་རྒྱ་ནག་གཞུང་གིས་ལོ་བཅུའི་བཙོན་འཇུག་བྱས་ཡོད་ཚུལ་གྱི་གནས་ཚུལ་ཞིག་གསར་འགྱུར་བརྒྱུད་ལམ་ཁག་ཏུ་སྤེལ་བ་དང་འདི་ག་ལྟེ་གནས་ཁང་ནས་གནས་ཚུལ་ཞིབ་རྟོག་བྱས་པ་བརྒྱུད་ཁོང་ཉིད་ལ་ཟླ་བ་གཅིག་གི་གོང་དུ་ལྷ་ས་འབྲིང་རིམ་མི་མང་ཁྲིམས་ཁང་གིས་ལོ་བཅུའི་བཙོན་འཇུག་ཁྲིམས་ཆད་བཏང་ཡོད་པའི་ཁུངས་དག་གནས་ཚུལ་འབྱོར་བྱུང་།
འདི་ག་ལྟེ་གནས་ཁང་གིས་དེ་རིང་འགྲོ་བ་མིའི་ཐོབ་ཐང་ཉིན་མོ་དང་སྟབས་བསྟུན་བོད་ཀྱི་ཆབ་སྲིད་བཙོན་པ་ ༥༥༠༠ ལྷག་གི་གནས་ཚུལ་གྱི་བདེན་དཔང་བྱས་ནས་བོད་ནང་གི་འགྲོ་བ་མིའི་ཐོབ་ཐང་ལོ་རེ་བཞིན་ཇེ་ཞན་ཇེ་སྡུག་ཏུ་འགྲོ་བཞིན་འདུག་ཅེས་ནན་བརྗོད་བྱ་རྒྱུ་ཡིན་ཞིང་མཉམ་འབྲེལ་རྒྱལ་ཚོགས་གཙོས་པའི་རྒྱལ་སྤྱིའི་འགྲོ་བ་མིའི་ཐོབ་ཐང་སྲུང་སྐྱོབ་གནང་མཁན་གྱི་ཚོགས་སྡེ་ཁག་དང་མི་སྒེར་ཡོངས་ཀྱིས་རྒྱ་ནག་གཞུང་གིས་བོད་ནང་དུ་མི་རིགས་དང་རིག་གཞུང་རྩ་མེད་གཏོང་ཐབས་ཀྱི་ལས་འགུལ་སྤེལ་བཞིན་པ་མཚམས་འཇོག་དགོས་པའི་གནོན་ཤུགས་སྤྲོད་དགོས་པ་དང་༧ཀུན་གཟིགས་པན་ཆེན་རིན་པོ་ཆེ་གཙོས་པའི་བོད་ཀྱི་ཆབ་སྲིད་བཙོན་པ་རྣམས་མྱུར་དུ་གློད་གྲོལ་དགོས་པའི་དགོས་འདུན་འདོན་རོགས་ཞེས་རེ་སྐུལ་ཤུགས་དྲག་ཞུ་རྒྱུ་ཡིན།
བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་རྒྱ་གར་རྒྱལ་ས་ལྡི་ལིའི་གསར་འགོད་ལྷན་ཚོགས་ Press Club of India ཀྱི་ཚོགས་ཁང་ནང་དུ་ལྟེ་གནས་ཁང་གིས་བཏོན་པའི་དྲྭ་ཚིགས་གསར་པ་Decoding CCP རྒྱ་ནག་དམར་ཤོག་ཚོགས་པའི་བརྡ་དོན་གནད་འགྲེལ་ཞེས་པ་དབུ་འབྱེད་ཀྱི་གསར་འགོད་གསལ་བསྒྲགས་ཤིག་ཚོགས་ཡོད་པ་རེད།
འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་བོད་ཀྱི་གསར་འགོད་ལྷན་ཚོགས་དང་མཉམ་འབྲེལ་བྱས་ཏེ་རྡ་ས་ནོར་བུ་གསོལ་མགྲོན་ཁང་དུ་ཕྱི་ཟླ་ ༡༡ པའི་ཚེས་ ༢༢ ནས་ ༢༤ བར་དུས་ཡུན་ཉིན་གྲངས་གསུམ་གྱི་རིང་ལ་གསར་འགོད་ལས་རིགས་ཀྱི་ཟབ་སྦྱོང་ཞིག་གོ་སྒྲིག་ཞུས།
འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་དུ་གནས་ཚུལ་འབྱོར་བ་ལྟར་ན་ཕྱི་ལོ་ ༢༠༡༤ ལོ་ནས་བཟུང་བོད་མདོ་སྨད་ས་ཕྱོགས་སམ་རྒྱ་ནག་གིས་བཅད་བགོས་བྱས་པའི་མཚོ་སྔོན་ཞིང་ཆེན་ཁུལ་གྱི་བོད་ཀྱི་ཆབ་སྲིད་བཙོན་པ་གློད་གྲོལ་ཐོབ་པ་རྣམས་ཀྱི་རྐང་པར་ཉིན་ཞག་གཉིས་ཀར་སོ་ལྟ་བྱེད་ཐུབ་པའི་“གློག་རྡུལ་ལྕགས་སྒྲོག་”བཏགས་ཡོད་པའི་གནས་ཚུལ་འདུག་ཅིང་གསར་ལམ་གྱི་གནས་ཚུལ་ལྟར་ན་བོད་ནང་གི་ཆབ་སྲིད་བཙོན་ཟུར་རྣམས་ལ་སྟངས་འཛིན་བྱེད་པར་དམིགས་ནས་རྒྱ་ནག་གཞུང་ཕྱོགས་ནས་མཁོ་སྤྲོད་བྱས་པའི་ལག་འཁྱེར་ཁ་པར་ཞིག་ངེས་པར་དུ་སྤྱོད་དགོས་པ་དང་དེ་ཉིད་བརྒྱུད་ནས་བོད་ཀྱི་ཆབ་སྲིད་བཙོན་ཟུར་ཚོའི་བྱ་སྤྱོད་ལ་རྒྱ་ནག་གཞུང་གིས་རྒྱུན་དུ་ལྟ་རྟོགས་ནན་པོ་བྱེད་ཐུབ་ཀྱི་ཡོད་པའི་གནས་ཚུལ་བཀོད་འདུག
ཉེ་ལམ་ཕྱི་ཟླ་ ༡༠ པའི་ཚེས་ ༣༡ ཉིན་རྒྱ་ནག་པེ་ཅིང་གྲོང་ཁྱེར་ཁྲིམས་འཛིན་ལས་ཁུངས་ཀྱིས་རྒྱ་ནག་གི་འགྲོ་བ་མིའི་ཐོབ་ཐང་ཁྲིམས་རྩོད་པ་ལིན་ཁི་ལེ་ཡི་ཁྲིམས་རྩོད་ལག་འཁྱེར་ཕྱིར་བསྡུ་བྱས་འདུག་པ་ནི་ཧ་ཅང་ནོར་འཁྲུལ་ཅན་གྱི་ཐག་གཅོད་ཅིག་ཡིན་པ་མ་ཟད་ཞི་ཅིན་ཕིང་ཐོག་མར་སྲིད་འཛིན་ཆགས་པ་ནས་བཟུང་“ཁྲིམས་ཀྱི་དབང་བསྒྱུར་”ཡོང་ཐབས་བྱ་རྒྱུ་ཡིན་ཟེར་བ་ཚིག་སྐམ་པོ་ཙམ་ལས་ལག་ལེན་ཐོག་ལྡོག་ཕྱོགས་སུ་འགྲོ་བཞིན་ཡོད་པ་མངོན་གསལ་དོད་པོ་ཆགས་ཡོད།
བོད་མཐོ་སྒང་དུ་གནམ་གཤིས་འགྱུར་ལྡོག་གི་ཚད་རིམ་ཧ་ཅང་མཐོན་པོར་སླེབས་ཡོད་པས་བོད་ཀྱི་འཁྱག་རོམ་བཞུས་ནས་ཆུ་ལོག་གི་གནོད་འཚེ་མང་པོ་འབྱུང་བ་དང་། མཚོ་དང་མཚེའུ་རྒྱས་པ། རྩ་ཐང་གི་གཏན་འཁྱག་ཆགས་རིམ་བཞུ་བ་སོགས་བྱུང་ནས་རང་བྱུང་སྐྱེ་དངོས་ལ་གནོན་འཚེ་ཐེབས་པ། ཤར་ཨེ་ཤི་ཡའི་ནམ་དུས་སོ་སོར་སྤོ་ཤུད་བྱེད་པའི་བྱ་རིགས་ཀྱི་གནས་མལ་ལྟ་བུའི་བོད་ཀྱི་བརླན་ས་རྣམས་རིམ་གྱིས་སྐམ་པོར་གྱུར་ནས་བྱ་རིགས་མང་པོ་རྩ་སྟོང་དུ་འགྲོ་ཉེན་ཆེ་བ་སོགས་ཁོར་ཡུག་ཛ་དྲག་གི་གནས་སུ་ལྷུང་ཡོད། འཁྱག་རོམ་བཞུས་ནས་བརླན་བཤེར་དང་ཚ་དྲོད་རྒྱས་པའི་རྐྱེན་གྱིས་བོད་མཐོ་སྒང་གི་ས་ཆ་ནི་རྒྱ་ནག་གི་ས་ཆ་ལྟ་བུར་འགྱུར་བཞིན་ཡོད། འོན་ཀྱང་། རྒྱ་ནག་གི་ངོས་ནས་དེ་ནི་བཟང་ཕྱོགས་ཀྱི་འགྱུར་བ་ཞིག་ལ་ངོས་འཛིན་བྱེད་ཀྱིན་ཡོད།
འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོའི་འཕེལ་རྒྱས་ལྟེ་གནས་ཁང་ནས་བོད་ནང་གི་རྩོམ་པ་པོ་ལྷ་ལྡན་ལགས་(སྨྱུག་མིང་དྷི་ལྷ་ལྡན་)རྒྱ་ནག་གཞུང་གིས་ཡུན་རིང་བཀག་ཉར་བྱས་མཐར་ཉེ་ཆར་ལོ་བཞིའི་བཙོན་འཇུག་ཁྲིམས་ཆད་བཏང་བའི་དངོས་བདེན་གྱི་གནས་ཚུལ་བྱུང་འདུག་པས་དྲང་བདེན་མ་ཡིན་པའི་ཐག་གཅོད་དེ་ལ་མཐའ་གཅིག་ཏུ་ངོ་རྒོལ་ཞུ་རྒྱུ་ཡིན་ཞིང་ཁོང་གི་སྨྲ་བརྗོད་རང་དབང་རྡོག་རོལ་བཏང་དང་གཏོང་བཞིན་པ་ངེས་པར་དུ་མཚམས་འཇོག་དགོས་པའི་འབོད་སྐུལ་ནན་པོ་ཞུ་རྒྱུ་ཡིན།
འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་དུ་ཁུངས་ལྡན་གྱི་གནས་ཚུལ་འབྱོར་བ་ལྟར་ན་ཉེ་ལམ་ཕྱི་ཟླ་ ༡༠ པའི་ཟླ་འགོར་རང་ལོ་ ༣༤ ཡིན་པའི་རྔ་བ་ཀིརྟི་དགོན་པའི་གྲྭ་བློ་བཟང་ཆོས་འཕེལ་ལགས་རྒྱ་གཞུང་གིས་འཇུ་བཟུང་བཀག་ཉར་བྱས་ཡོད་འདུག ད་ལྟའི་ཆར་ཁོང་འདི་ལྟར་གློ་བུར་དུ་འཇུ་བཟུང་བྱེད་དགོས་པའི་རྒྱུ་མཚན་དང་གང་དུ་བཀག་ཉར་བྱས་ཡོད་མེད་སོགས་ཞིབ་ཕྲའི་གནས་ཚུལ་གང་ཡང་ཤེས་རྟོགས་མི་ཐུབ་པར་བཙན་དབང་འོག་གར་སོང་ཆ་མེད་དུ་གྱུར་བའི་གནས་བབ་འོག་ལྷག་ཡོད་འདུག སྤྱིར་གྲྭ་བློ་བཟང་ཆོས་འཕེལ་ལགས་དེ་སྔོན་ཕྱི་ལོ་ ༢༠༠༨ ལོར་ལྷ་ས་དང་ཕྱི་ལོ་ ༢༠༡༡ ལོར་རྔ་བ་ནས་ཐེངས་གཉིས་འཛིན་བཟུང་གིས་ཟླ་བ་བཞི་ལྷག་རེ་བཀག་ཉར་བྱས་མྱོང་འདུག