Tag: སོག་རྫོང་།

ལོ་ ༢༡ རིང་རྒྱ་གཞུང་གིས་བཙོན་འཇུག་བྱས་མཐར། ཕྱི་ལོ་ ༢༠༡༣ ལོར་ཕྱིར་གློད་ཡོད་པའི་ཆབ་སྲིད་བཙོན་ཟུར་བློ་གྲོས་རྒྱ་མཚོ་ལགས། ཉེ་ཆར་རྒྱ་གཞུང་ཉེན་རྟོག་པས་ལྷ་ས་རུ་བསྐྱར་དུ་འཇུ་བཟུང་བཀག་ཉར་བྱས་ཡོད་འདུག

བློ་གྲོས་རྒྱ་མཚོ་ལགས་ལོ་ཉེར་གཅིག་རིང་བཙོན་འཇུག་མྱངས་མཐར་གློད་གྲོལ་བཏང་རྗེས་ཀྱི་འདྲ་པར།
བློ་གྲོས་རྒྱ་མཚོ་ལགས་ལོ་ཉེར་གཅིག་རིང་བཙོན་འཇུག་མྱངས་མཐར་གློད་གྲོལ་བཏང་རྗེས་ཀྱི་འདྲ་པར།

འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༦ ཟླ་ ༥ ཚེས་ ༡༤ བོད་ནང་མཚན་མོ་ཆུ་ཚོད་ ༡༢ ཐོག ཁམས་སོག་རྫོང་གི་ཆབ་སྲིད་བཙོན་ཟུར་བློ་གྲོས་རྒྱ་མཚོ་ལགས་ལྷ་ས་ནས་བསྐྱར་དུ་འཛིན་བཟུང་བཀག་ཉར་བྱས་འདུག ཁོང་འཛིན་བཟུང་བྱེད་དགོས་དོན་དང། གང་དུ་བཙོན་འཇུག་བྱས་མིན་སོགས་ཞིབ་ཕྲའི་གནས་སྟངས་ནང་མི་དང་ཡུལ་མིས་སུས་ཀྱང་ཤེས་རྟོགས་ཐུབ་ཀྱི་མེད་པ་རེད།

ཆབ་སྲིད་བཙོན་པ་བློ་གྲོས་རྒྱ་མཚོ་ལགས་ད་ལྟ་རང་ལོ་ ༥༥ ཡིན་པ་དང་། ཁོང་རྒྱ་གཞུང་གི་བཙོན་ཁང་ནང་མི་ ༢༡ བཙོན་འཇུག་བྱས་མཐར། ཕྱི་ལོ་ ༢༠༡༣ ཟླ་ ༥ ཚེས་ ༢ ཉིན་བཙོན་འཇུག་དུས་ཡུན་རྫོགས་ཏེ་གློད་གྲོལ་ཐོབ་ཡོད་ཀྱང་། ཉེ་ཆར་ལྷ་ས་རུ་བསྐྱར་དུ་འཇུ་བཟུང་གིས་གར་སོང་ཆ་མེད་གྱི་གནས་སྟངས་སུ་གྱུར་ཡོད་པ་རེད།

Continue Reading

mmexport1444731744937འབྲི་རུ་རྫོང་གིས་བོད་མིའི་ཆོས་ལུགས་དད་མོས་རང་དབང་བཀག་སྡོམ་ཐད། ཆེད་དམིགས་ཁྲིམས་སྒྲིག་སྣ་ཚོགས་བཟོས་ཏེ་དགོན་པར་ཕྱོགས་ཡོངས་ནས་སྟངས་འཛིན་དོ་དམ་དང་གྲྭ་བཙུན་རྣམས་ཕྱིར་ཕུད། མང་ཚོགས་ཀྱི་ཆོས་དད་རང་དབང་ལ་བཀག་སྡོམ་བཅས་བྱས་ཏེ། དགོན་པ་ནི་སྲིད་གཞུང་གི་ལས་ཁུངས་དང་གྲྭ་བཙུན་རྣམས་དམར་ཤོག་ཚོགས་མི་ལྟ་བུར་བསྒྱུར་གྱིན་ཡོད།

ཕྱི་ལོ་ ༢༠༡༥ ཟླ་ ༩ ཚེས་ ༡༩ ཉིན་འབྲི་རུ་རྫོང་གིས་སྲིད་གཞུང་ཡིག་ཆ་ཨང་ ༢༢༤ པ་སྟེ། <<ཆོས་ལུགས་ཁྱབ་ཁྱོངས་བཅོས་བསྒྲིག་གཙར་བཤེར་དང་ཚད་ལྡན་བཟོ་རྒྱུའི་ལས་དོན་སྔར་བས་གཏིང་ཟབ་སྤེལ་རྒྱུ་དང་། དགོན་སྡེའི་དབང་ཆ་བཞིར་ཁྲིམས་ལྟར་ཤུགས་སྣོན་རྒྱག་རྒྱུའི་ལས་ཀའི་འགན་འཁྲི་རྩད་གཅོད་མཐར་ཕྱིན་བྱ་རྒྱུའི་སྐོར་གྱི་འབྲི་རུ་རྫོང་མི་དམངས་སྲིད་གཞུང་གི་ཆད་གཅོད་གཏན་འབེབས། (གནས་སྐབས་ལག་བསྟར་བྱ་རྒྱུ)>> ཞེས་པའི་ལེའུ་གསུམ་དང་གནང་གསེས་ས་བཅད་ ༢༤ དང་དོན་ཚན་ ༧༤ ཅན་གྱི་སྒྲིག་གཞི་ཡིག་ཆ་ཞིག རྫོང་གི་ཐད་གཏོགས་ཚན་པ་ཁག་དང་། ཤང་(གྲོང་རྡལ)མི་དམངས་སྲིད་གཞུང་ཁག དགོན་སྡེ་དོ་དམ་ཨུ་ཡོན་ལྷན་ཁང་ཁག མངའ་ཁོངས་སྡེ་ཁུལ་དོ་དམ་ཨུ་ཡོན་ལྷན་ཁང་། དགོན་པ་དང་སྡེ་བར་ཆེད་མངགས་བཅའ་སྡོད་ལས་བྱེད་སོགས་སུ་འགྲེམས་སྤེལ་བྱས་ཏེ། འབྲི་རུ་རྫོང་ཁོངས་ཀྱི་དགོན་སྡེ་ཁག་གི་ཆོས་ལུགས་བྱེད་སྒོ་ཁག་ལ་དོ་དམ་ནན་མོ་དང་། གྲྭ་བཙུན་གྲངས་འབོར་ཚད་འཛིན་དང་ཕྱིར་ཕུད་སོགས་བཀག་སྡོམ་བྱེད་ཤུགས་ཆེ་རུ་བཏང་ཡོད་པ་རེད།

Continue Reading

རྒྱ་གཞུང་གིས་རྒྱུ་མཚན་ཁ་གསལ་མེད་པའི་སྒོ་ནས། སོག་ཙན་དགོན་པའི་གྲྭ་པ་གསུམ་དང་ས་གནས་མི་སྐྱ་གཅིག་བཅས་འཇུ་བཟུང་བཙན་འཁྲིད་བྱས་འདུག

རྒྱ་གཞུང་གིས་འཇུ་བཟུང་བྱས་ཟིན་པའི་སོག་ཙན་དན་དགོན་པའི་གྲྭ་ཆོས་དཔལ་ཟླ་བ།
རྒྱ་གཞུང་གིས་འཇུ་བཟུང་བྱས་ཟིན་པའི་སོག་ཙན་དན་དགོན་པའི་གྲྭ་ཆོས་དཔལ་ཟླ་བ།

འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ཟླ་ ༣ ཚེས་ ༢༨ ཉིན་གྱི་མཚན་མོར་སོག་ཙན་དན་དགོན་པའི་གྲྭ་ཆོས་དཔལ་ཟླ་བ་དང་། གྲྭ་འཇིགས་མེད་དབང་རྒྱལ། གྲྭ་ཆོས་དབྱིངས་ཆོས་དགའ། མི་སྐྱ་རྡོ་རྗེ་གྲགས་པ་བཅས་རྒྱ་ནག་གིས་ཛིན་བཟུང་བྱས་འདུག ཁོང་རྣམས་འཛིན་བཟུང་བྱེད་དགོས་དོན་གང་ཡིན་སྐོར་ལ་རྒྱ་གཞུང་གི་གསལ་བཤད་གང་ཡང་བྱས་མེད་པ་རེད།

གྲྭ་ཆོས་དཔལ་ཟླ་བ་ནི་རང་ལོ་ ༢༧ ཡིན་པ་དང་། སོག་རྫོང་གི་གཡག་ལ་ཡུལ་ཚོའི་གྲོང་ཚོ་གཉིས་པའི་སྒོ་པེ་རང་གྲོལ་གྱི་བུ་ཡིན་འདུག ཁོང་དེ་སྔོན་ ༢༠༡༢ ཟླ་ ༡ ཚེས་ ༡༥ ཉིན་རྒྱ་ནག་གཞུང་གི་ཉེན་རྟོག་པས་འཛིན་བཟུང་བྱས་ཏེ། ལོ་དེའི་ཟླ་ ༢ པའི་ཚེས་ཤར་ཙམ་ལ་གསང་བའི་ངང་དུས་བཀག་བཙོན་འཇུག་ཁྲིམས་ཐག་ལོ་གཉིས་བཅད་མྱོང་ཡོད་པ་རེད། ད་རེས་ནི་རྒྱ་གཞུང་གིས་འཇུ་བཟུང་ཐེངས་གཉིས་པ་དེ་ཆགས་ཡོད།

Continue Reading

རྒྱ་གཞུང་གིས་འཇུ་བཟུང་བཙན་ཁྲིད་ཀྱིས་གར་སོང་ཆ་མེད་དུ་གྱུར་བའི་སོག་ཙན་དན་དགོན་པའི་གྲྭ་བློ་བཟང་ཟླ་བ་ལགས།
རྒྱ་གཞུང་གིས་འཇུ་བཟུང་བཙན་ཁྲིད་ཀྱིས་གར་སོང་ཆ་མེད་དུ་གྱུར་བའི་སོག་ཙན་དན་དགོན་པའི་གྲྭ་བློ་བཟང་ཟླ་བ་ལགས།

རྒྱ་གཞུང་གིས་མཚན་ལ་སོག་རྫོང་ཙན་དན་དགོན་པའི་གྲྭ་བློ་བཟང་ཟླ་བ་བཙན་ཁྲིད་ཀྱིས་གར་སོང་ཆ་མེད་དུ་གྱུར་འདུག

འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཟླ་ ༣ ཚེས་ ༢༠ མཚན་མོར་སོག་རྫོང་ཙན་དན་དགོན་པའི་གྲྭ་བློ་བཟང་ཟླ་བ་རྒྱ་གཞུང་གི་ཉེན་རྟོག་པས་བཙན་ཁྲིད་བྱས་ནས་གར་སོང་ཆ་མེད་ཀྱི་གནས་ཚུལ་བྱུང་འདུག གསང་བའི་ངང་ནས་བཙན་ཁྲིད་བྱས་སྟབས་ཞིབ་ཕྲའི་གནས་ཚུལ་ཤེས་མཁན་བྱུང་མི་འདུག

དེང་སྐབས་རྒྱ་གཞུང་གིས་འཕྲིན་ཕྲན་(wechat)གྱི་བརྒྱུད་ལམ་ཁག་ལ་ཞིབ་བཤེར་བྱེད་བཞིན་ཡོད་སྟབས། ས་གནས་དེ་གའི་ཡུལ་མི་མང་ཚོགས་ཀྱི་ངོས་ནས། འཕྲིན་ཕྲན་བརྒྱུད་ལམ་ནས་རྒྱ་གཞུང་གི་ལྟ་སྤྱོད་དང་མི་མཐུན་པའི་པར་རིས་དང་ཡིག་ཆ་ཉར་བའི་ཉེས་མིང་འོག་འཛིན་བཟུང་བྱས་པ་ཞིག་ཡིན་སྲིད་པའི་ཚོད་དཔག་བྱེད་བཞིན་ཡོད་འདུག

Continue Reading

ཟླ་འདིའི་ཕྱི་ཚེས་ ༡༤ དགོང་མོར་ཁམས་སོག་རྫོང་ཙན་དན་དགོན་པའི་གྲྭ་པ་ ༧ རྒྱ་གཞུང་ཉེན་རྟོག་པས་འཇུ་བཟུང་བཙན་འཁྲིད་བྱས་འདུག

རྒྱ་གཞུང་གིས་འཇུ་བཟུང་བཙན་འཁྲིད་བྱས་པའི་གྲྭ་རྣམ་རྒྱལ་ཚུལ་ཁྲིམས་ལགས།
རྒྱ་གཞུང་གིས་འཇུ་བཟུང་བཙན་འཁྲིད་བྱས་པའི་གྲྭ་རྣམ་རྒྱལ་ཚུལ་ཁྲིམས་ལགས།

འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༥ ཟླ་ ༣ ཚེས་ ༡༤ དགོང་མོར། ད་ལྟ་རྒྱ་གཞུང་གིས་བོད་ས་བཅད་བགོས་ཀྱིས་མི་སེར་སྤེལ་བའི་ས་ཁོངས་ལྟར་བྱས་ན། བོད་རང་སྐྱོང་ལྗོངས་ནགས་ཆུ་ས་ཁུལ་སོག་རྫོང་ཙན་དན་དགོན་པའི་གྲྭ་པ་རྣམ་རྒྱལ་ཚུལ་ཁྲིམས་དང་། བློ་གྲོས་བསྟན་འཛིན། ཚུལ་ཁྲིམས་སྒོ་འབྱེད། ཚུལ་ཁྲིམས་རྣམ་རྒྱལ། ཐབས་མཁས་ལྷུན་འགྲུབ། འཇིག་མེད་ཚུལ་ཁྲིམས། འཇིག་མེད་གྲགས་པ་བཅས། གྲྭ་པ་ ༧ རྒྱ་གཞུང་ཉེན་རྟོག་པས་འཛིན་བཟུང་བཀག་ཉར་བྱས་ཡོད་འདུག ཡིན་ནའང་། ཁོང་རྣམ་པ་འཛིན་བཟུང་བྱེད་པའི་རྒྱུ་མཚན་ཅི་ཡིན་ཉེན་རྟོག་པས་འགྲེལ་བརྗོད་བྱས་མེད་པ་རེད།

 
ས་གནས་དེ་གའི་ཡུལ་མི་རྣམས་ཀྱི་ངོས་ནས། ཁོང་ཚོས་བོད་དོན་དང་འབྲེལ་བའི་པར་རིས་དང་གནས་ཚུལ་ཕན་ཚུན་གཏོང་རེས་བྱས་རྐྱེན་ཡིན་པའི་ཚོད་བགམ་བྱེད་བཞིན་ཡོད་འདུག ད་ལྟའི་ཆར་གྲྭ་པ་དེ་དག་ས་ཆ་གང་ཞིག་ཏུ་བཀག་ཉར་དང་གནས་སྟངས་ག་འདྲ་ཆགས་ཡོད་མེད་དང་། དེ་བཞིན། ཁོང་ཚོ་འཇུ་བཟུང་བྱེད་དགོས་དངོས་ཡོད་གནས་ཚུལ་སོགས་གང་ཡང་ཤེས་རྟོགས་ཐུབ་ཀྱི་མེད་པ་རེད།

 

Continue Reading

to top