ཞི་ཅིན་ཕིང་གི་གཞོན་ནུ་འགུག་པའི་བསམ་བློ་དང་ཆུང་དུས་སྐད་ཡིག་གི་མ་རྩ་འཇོག་རྒྱུའི་གལ་གནད་སོགས་གཞི་ལ་བཞག་ནས་སྐད་གཉིས་སློབ་གསོའི་དགོས་དམིགས་ལ་མི་བསྟུན་པར་སྔོན་འགྲོའི་སློབ་གྲྭའི་ནང་རྒྱ་ནག་གི་སྤྱི་སྐད་ངེས་པར་དུ་སློབ་དགོས་པ་བཟོས་འདུག
ཉེ་སྔོན་ཕྱི་ཟླ་བརྒྱད་པའི་ཚེས་ ༢༣ ནས་བཟུང་ཉིན་བཅུའི་རིང་རྫ་ཆུ་ཁ་དབོན་པོ་སྡེ་པ་རུ་༧གོང་ས་མཆོག་གི་སྐུ་པར་ཉར་ཚགས་བྱས་པ་རྒྱུ་མཚན་གཙོ་བོར་བྱས་ནས་སྔ་གཞུག་ཏུ་བོད་མི་སྐྱ་སེར་ ༡༢༡ ཙམ་རྒྱ་ནག་གཞུང་གིས་འཇུ་བཟུང་བཀག་ཉར་བྱས་ཤིང་དེའི་ནང་ནས་བོད་མི་བཞི་གློད་གྲོལ་བཏང་ཟིན་པའི་གནས་ཚུལ་བྱུང་བ་མ་གཏོགས་གཞན་ཚང་མ་ད་དུང་སེར་ཤུལ་རྫོང་ཐོག་ཏུ་བཀག་སྐྱིལ་བྱས་ཡོད་པ་རེད།
འདི་ག་ལྟེ་གནས་ཁང་དུ་ཁུངས་ལྡན་གྱི་གནས་ཚུལ་འབྱོར་བ་ལྟར་ན་ཉེ་ཆར་བོད་ཁམས་ཕྱོགས་རྫ་ཆུ་ཁ་དབོན་པོ་སྡེ་པ་ནས་ཁ་པར་དང་ཁང་ཁྱིམ་སོགས་སུ་༧གོང་ས་མཆོག་གི་སྐུ་པར་ཉར་ཚགས་བྱས་པའི་རྐྱེན་གྱིས་ཟླ་འདིའི་ཚེས་༢༣ དང་ ༢༤ ཉིན་གཉིས་ཀྱི་ནང་བོད་མི་སྐྱ་སེར་ ༦༠ ཙམ་འཇུ་བཟུང་བཀག་ཉར་བྱས་པའི་གནས་ཚུལ་བྱུང་ཡོད་པ་དང་རྒྱ་ནག་གཞུང་གིས་དོན་མེད་བཙན་ཁྲིད་བྱས་པའི་བོད་མི་དེ་དག་གློད་གྲོལ་གཏོང་རྒྱུའི་ཚབ་ལ་ཚེས་ ༢༥ ནས་བཟུང་བོད་མི་ཚོའི་ཁ་པར་དང་ཁང་ཁྱིམ་རེ་རེ་བཞིན་བསྔོག་བཤེར་བྱས་ཏེ་ཉིན་གྲངས་ལྔ་ཙམ་གྱི་རིང་ལ་ཡང་བསྐྱར་སྐྱ་སེར་ ༥༣ ཙམ་བཙན་ཁྲིད་ཀྱིས་ཁྱོན་བསྡོམས་བདུན་ཕྲག་གཅིག་གི་ནང་ཚུན་ལ་མི་གྲངས་ ༡༡༣ ཙམ་འཇུ་བཟུང་བཀག་ཉར་བྱས་ཡོད་པ་རེད།
དེང་གི་ཆར་རྒྱ་ནག་གི་སྟོབས་ཤུགས་རྒྱས་བཞིན་པ་དེས་ང་ཚོ་ཚང་མར་ཤུགས་རྐྱེན་ངེས་ཅན་ཞིག་སྤྲོད་བཞིན་ཡོད། གཏུམ་དྲག་ཆེ་བའི་རྒྱ་ནག་གི་འུར་སྒྲོག་དེ་དག་གིས་ང་ཚོའི་སེམས་སུ་དངངས་འཚབ་སྦྱིན་པ་དང་། རང་ཉིད་ཀྱི་མ་འོངས་པར་བདེ་འཇགས་ཡོད་མེད་ཀྱི་ཐད་ལ་སེམས་ཁུར་བྱེད་དགོས་པ་བཟོས་ཡོད། རྒྱ་ནག་གཞུང་གི་དམིགས་ཡུལ་དང་ཀུན་སློང་ངོས་ཆོད་པར་ཁོང་ཚོའི་དྲིལ་བསྒྲགས་ཀྱི་ཐབས་ལམ་ལ་དཔྱད་དགོས། རྒྱ་ནག་གི་དྲིལ་བསྒྲགས་ཁག་ཏུ་ང་ཚོ་ཐུན་མོང་གི་ཁེ་ཕན་མཚོན་པ་ལྟ་བུའི་ཚིག་གནད་ཤིན་ཏུ་གསོན་ཉམས་དོད་པོ་སྤྱོད་བཞིན་ཡོད་པས་དེ་དག་བརྒྱུད་དེ་རྒྱ་ནག་གི་དམིགས་ཡུལ་ངོ་མ་ཇི་ལྟར་ཤེས་ཐུབ་བམ་ཞེས་པ་ནི་སྐབས་འབབ་ཀྱི་དྲི་བ་ཡིན།
དེ་རིང་འཛམ་གླིང་ཁྱོན་ཡོངས་སུ་བཙན་དབང་འོག་གར་སོང་ཆ་མེད་དུ་གྱུར་བའི་གནོད་འཚེ་འཕོག་མཁན་རྣམས་ཀྱི་ཉིན་མོ་ཐེངས་ ༣༨ དེ་སྲུང་བརྩི་ཞུ་བཞིན་ཡོད་པས་འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ནས་བོད་ནང་དུ་བཙན་དབང་འོག་གར་སོང་ཆ་མེད་དུ་གྱུར་བའི་གནོད་འཚེ་འཕོག་མཁན་གྱི་བོད་མི་རྣམས་དྲན་གསོ་དང་གདུང་སེམས་མཉམ་སྐྱེད་ཞུ་རྒྱུ་ཡིན་པ་མ་ཟད་རྒྱ་ནག་གཞུང་གིས་ངོས་ནས་བཙན་དབང་འོག་གར་སོང་ཆ་མེད་དུ་འགྱུར་རིགས་འགོག་པའི་རྒྱལ་སྤྱིའི་སྤྱི་ཆིངས་ལ་ངེས་པར་དུ་མཚན་བཀོད་ལག་བསྟར་བྱེད་དགོས་པའི་འབོད་སྐུལ་ནན་པོ་ཞུ་རྒྱུ་ཡིན།
འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་དུ་ཁུངས་ལྡན་གྱི་གནས་ཚུལ་འབྱོར་བ་ལྟར་ན་བོད་ཁམས་ཕྱོགས་རྫ་ཆུ་ཁ་དབོན་པོ་སྡེ་པ་རུ་ཁ་སྔོན་ཕྱི་ཚེས་༢༢ ཀྱི་སྔ་དགོང་གཉིས་ཀར་རྒྱ་ནག་གི་དམག་མི་ཕོན་ཆེན་སླེབས་ནས་ཚེས་ ༢༣ དང་ ༢༤ བར་འདྲི་རྩད་བྱ་རྒྱུ་ཡིན་ཚུལ་བཤད་དེ་སྐྱ་སེར་མི་གྲངས་དྲུག་ཅུ་ཙམ་སྤྱི་ལེ་ ༧༠ ཡས་མས་ཀྱི་ས་ན་ཡོད་པའི་སེར་ཤུལ་རྫོང་ཐོག་ཏུ་འཇུ་བཟུང་བཀག་ཉར་བྱས་ཡོད་པ་རེད། ད་ལྟའི་ཆར་དབོན་པོ་ཡུལ་ཚོར་དམ་དྲག་ནན་མོ་བྱས་ཏེ་དམག་མིས་མི་ཚང་རེ་རེ་བཞིན་བསྔོག་བཤེར་བྱེད་བཞིན་ཡོད་པ་དང་ཁ་སང་ཚེས་༢༥ཉིན་རྒྱལ་ཁབ་ཀྱི་ཁྲིམས་ངོ་སྤྲོད་བྱེད་ཀྱི་ཡིན་ཟེར་ནས་དམངས་ཚོགས་འདུ་སྐོང་བྱས་ཏེ་༧གོང་ས་མཆོག་གི་སྐུ་པར་སྒྲིག་གཤོམ་མི་ཆོག་པ་དང་ཕྱི་ཕྱོགས་སུ་འབྲེལ་བ་བྱེད་མི་ཆོག་སོགས་ནན་བརྗོད་བྱས་ཡོད་པ་རེད།
ཉེ་ལམ་རྒྱ་ནག་གི་རྒྱལ་ས་པེ་ཅིང་དུ་ཀྲུང་གོ་གུང་ཁྲན་ཏང་གི་ཀྲུང་དབྱང་ཨུ་ཡོན་ལྷན་ཁང་དྲིལ་བསྒྲགས་པུའུ་ཡིས་གཙོ་བྱས་ནས་མི་དམངས་ཁྲིམས་ཁང་ཆེན་མོ་དང་གཞུང་གི་དོ་དམ་འོག་ཡོད་པའི་རྒྱལ་ཡོངས་གསར་འགོད་ལྷན་ཚོགས། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཆེས་མཐོའི་མི་དམངས་ཞིབ་དཔྱོད་ཁང་། ཀྲུང་གོའི་དྲྭ་རྒྱའི་དོ་དམ་ལྷན་ཁང་། བཟོ་ལས་དང་བརྡ་འཕྲིན་དོ་དམ་ལྷན་ཁང་། སྤྱི་ཚོགས་བདེ་འཇགས་ལྷན་ཁང་། ཁྲོམ་རའི་དོ་དམ་ལྷན་ཁང་། ཁྲལ་བསྡུ་ལས་ཁུངས། རྒྱལ་ཡོངས་རླུང་འཔྲིན་དང་། གློག་བརྙན་དོ་དམ་ལྷན་ཁང་བཅས་མཐོ་རིམ་ལྷན་ཁང་ཁག་བཅུ་མཉམ་བསྡུས་ཀྱིས་ཚོགས་ཆེན་ཚོགས་ཏེ་“གསར་འགྱུར་རྫུན་མ་དང་ཁྲིམས་འགལ་གྱི་དྲྭ་ལམ་བྱ་སྤྱོད་རིགས”ལ་རྡུང་རྡེག་ཚ་གནོན་གྱི་ལས་འགུལ་འགོ་འཛུགས་ཞུ་རྒྱུ་ཡིན་པ་གསལ་བསྒྲགས་བྱས།
འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོའི་འཕེལ་རྒྱས་ལྟེ་གནས་ཁང་དུ་ཁུངས་ལྡན་གྱི་གནས་ཚུལ་འབྱོར་བ་ལྟར་ན། སྤྱི་ཟླ་ ༠༧ ཚེས་ ༢༠ ཡས་མས་ཤིག་ལ། དགུང་ལོ་ ༤༥ ལ་སོན་པའི་རྔ་བ་སྤྲོ་ཚིགས་དགོན་པའི་དགེ་སྐོས་དཀོན་མེ་ལགས་རྒྱ་གཞུང་ཉེན་རྟོག་པས་འཇུ་བཟུང་བཀག་ཉར་བྱས་ནས་བདུན་ཕྲག་གཉིས་ཙམ་ཕྱིན་ཀྱང་ད་དུང་ཁོང་ཉིད་གང་དུ་བཀག་ཉར་བྱས་མིན་དང་ཅིའི་ཕྱིར་དུ་འཇུ་བཟུང་བྱས་མིན་སོགས་གནས་ཚུལ་གང་ཡང་ཤེས་རྟོགས་བྱུང་མི་འདུག གྲྭ་དཀོན་མེ་ལགས་ནི་སྤྲོ་ཚིགས་སྡེ་པ་ནས་ཡིན་ཞིང་སྐུ་ན་ཆུང་དུས་ནས་དགོན་པར་ཚོགས་ཞུགས་གནང་ཡོད་པ་རེད།
ད་ལོ་དགུང་གྲངས་ ༣༢ ལ་སོན་པའི་རྔ་བ་ཀིརྟི་དགོན་པའི་གྲྭ་བློ་བཟང་བསྟན་འཛིན་ལགས་དང་ཕྱག་རོགས་གྲྭ་བཙུན་གཞན་གཉིས་ཀྱིས་ཕྱི་ལོ་༢༠༡༡ ལོའི་ཟླ་ ༠༣ ཚེས་ ༡༦ ཉིན་རང་ལུས་མེར་སྲེག་གནང་མཁན་རྒྱལ་གཅེས་དཔའ་བོ་བློ་བཟང་ཕུན་ཚོགས་ལགས་སྲུང་སྐྱོབ་བྱས་པར་བརྟེན་རྒྱ་གཞུང་གིས་“བསམ་བཞིན་དུ་མི་བསད་པའི་”ཉེས་མིང་བཏགས་ཏེ་ལོ་དེའི་ཟླ་བ་ ༠༣ ཚེས་ ༢༣ ཉིན་འཛིན་བཟུང་བྱས་ཤིང་ཟླ་ ༠༨ ཚེས་༢༨ ཉིན་རྔ་བ་ཁུལ་འབར་ཁམས་འབྲིང་རིམ་མི་དམངས་ཁྲིམས་ཁང་གིས་བློ་བཟང་བསྟན་འཛིན་ལགས་ལ་ལོ་བཅུ་གསུམ་གྱི་བཙོན་འཇུག་ཁྲིམས་ཆད་བཏང་། འོན་ཀྱང་ཁོང་ཉིད་བཙོན་འཇུག་དུས་ཡུན་ལོ་བཅུ་ཟིན་མཚམས་སུ་ཉེ་ཆར་དངོས་སུ་གློད་གྲོལ་བཏང་ནས་ཕྱིར་ཕ་ཡུལ་གཅའ་གྲོང་རྡལ་ཕྱུགས་ལས་འགབ་མར་འབྱོར་ཟིན་ཡོད་པ་རེད། ཁོང་གིས་དེ་སྔ་རྒྱ་ནག་གཞུང་གི་ཉེས་འཛུགས་ལ་ངོས་ལེན་གནང་མེད་ཀྱང་ཁོང་ཉིད་ལ་ཁྲིམས་རྩོད་པ་གླ་རྒྱུ་དང་དྲང་བདེན་གྱི་ཁྲིམས་བཤེར་བྱ་རྒྱུའི་གོ་སྐབས་སྤྲད་མེད་པ་རེད།
རྒྱ་མཚོ་དྭ་ཕྲུག་སློབ་གྲྭ་དབུ་འཛུགས་གནང་མཁན་སྤྱི་ཕན་ཞབས་ཞུ་བ་སྤྲུལ་སྐུ་བང་རི་རིན་པོ་ཆེ་མཆོག་ལྷ་སའི་ཉེ་འགྲམ་ཆུ་ཤུར་བཙོན་ཁང་དུ་རྒྱ་གཞུང་གིས་ལོ་བཅོ་བརྒྱད་ཀྱི་དུས་བཀག་(ཁྱོན་ལོ་ཉི་ཤུ་རྩ་གཉིས)བཙོན་འཇུག་བྱས་མཐར་འདི་ལོའི་ཕྱི་ཟླ་ ༧ ཚེས་ ༣༡ ཉིན་བཙོན་འཇུག་གི་ལོ་ཁ་གང་ནས་གློད་གྲོལ་གཏོང་རྒྱུའི་དུས་ལ་བབས་ཡོད།
བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ངོས་ནས་ཟི་ཁྲོན་ཞིང་ཆེན་ཁྱབ་ཁོངས་ཁྲིན་ཏུའུ་གྲོང་ཁྱེར་གྱི་གསང་བའི་གནས་ཤིག་ཏུ་རྣམ་དཔྱོད་ལྡན་པའི་བོད་ཀྱི་རྩོམ་པ་པོ་གྲགས་ཅན་སྐུ་ཞབས་ལྷ་ལྡན་ལགས་རྒྱ་གཞུང་གིས་ལོ་གཉིས་རིང་ནས་གང་བྱུང་བཀག་ཉར་བྱས་དང་བྱེད་བཞིན་པར་ཁོང་གང་མྱུར་ཆ་རྐྱེན་ཅི་ཡང་མེད་པའི་ཐོག་ནས་གློད་གྲོལ་གཏོང་དགོས་པའི་རེ་འདུན་འདོན་གྱི་ཡོད།