གསར་འགྱུར།

རྒྱ་གཞུང་ཉེན་རྟོག་པས་ཉེ་སྔོན་ཁྱུང་མཆུ་རྫོང་ནས་ཡིན་པའི་གཞས་པ་བགེགས་འཇོགས་ལགས་“སྐྱོ་གླུ་མཆི་མ་དགུ་འཁྱིལ ”ཞེས་པའི་གླུ་གཞས་ཤིག་བཏང་བར་བརྟེན་འཇུ་བཟུང་བཙན་ཁྲིད་བྱས་ཏེ་ད་དུང་བཙན་དབང་འོག་གར་སོང་ཆ་མེད་ཀྱི་གནས་སྟངས་འོག་བཅུག་ཡོད་པ་ནི་ནམ་ཡང་ངོས་ལེན་བྱ་ཐབས་བྲལ་བ་ཡིན་པས་གཞས་པ་བགེགས་འཇོམས་ལགས་མྱུར་དུ་གློད་བཀྲོལ་གཏོང་དགོས།

གཞས་པ་བགེགས་འཇོམས་ལགས་ཀྱི་གནད་དོན་དང་འབྲེལ་ནས་འདི་ག་ལྟེ་གནས་ཁང་གི་འཛིན་སྐྱོང་འགན་འཛིན་བསྟན་འཛིན་ཟླ་བ་ལགས་ཀྱིས་གསུང་རྒྱུར་“ང་ཚོར་གཞས་པ་བགེགས་འཇོམས་ལགས་ཀྱི་བདེ་འཇགས་ཐད་སེམས་འཚབ་ཆེན་པོ་ཡོད། གང་ཡིན་ཟེར་ན་ནམ་རྒྱུན་གསང་བའི་བཀག་ཉར་འོག་ཚུད་པའི་བོད་མི་རྣམས་ཀྱི་མགོར་ཉེས་མིང་འདྲ་མིན་འགེལ་ཐབས་སུ་རྒྱ་གཞུང་ཉེན་རྟོག་མི་སྣས་རྡུང་རྡེག་མནར་གཅོད་དྲག་པོ་གཏོང་གི་ཡོད་པ་དང་། གསང་བའི་བཀག་ཉར་བྱེད་རིང་གཉེན་འཕྲད་དང་དྲང་བདེན་གྱི་ཁྲིམས་བཤེར་སོགས་ཀྱི་ཐོབ་ཐང་རྩ་ནས་སྤྲོད་ཀྱི་མེད་པའི་གནས་ཚུལ་འབྱུང་མུས་ཡིན། རྒྱ་གཞུང་གིས་ངེས་པར་གཞས་པ་བགེགས་འཇོམས་ལགས་ཀྱི་གནས་བབ་ཐད་ནང་མིར་གསལ་བཤད་ལན་འདེབས་དགོས་པ་མ་ཟད་ཆ་རྐྱེན་གང་ཡང་མེད་པར་ཁོང་མྱུར་དུ་གློད་བཀྲོལ་གཏོང་དགོས།”

Continue Reading

ད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་ཕྱི་ལོ་ ༢༠༢༤ ལོའི་ཟླ་ ༣ ཚེས་ ༢༠ རེས་གཟའ་ལྷག་པའི་ཉིན་གསར་འགོད་གསལ་བསྒྲགས་བྱས་ཏེ་སྔ་ལོ་ ༢༠༢༣ ལོའི་ལོ་འཁོར་སྙན་ཐོ་འདོན་སྤེལ་མཛད་སྒོ་སྤེལ།  

   ཕྱི་ལོ་ ༢༠༢༣ ལོའི་ལོ་མགོ་ནས་བཟུང་རྒྱ་ནག་གཞུང་གིས་གདུག་རྩུབ་ཅན་གྱི་རིམས་ནད་ཀླད་ཀོར་གྱི་སྲིད་ཇུས་ཟེར་བ་མཚམས་འཇོག་བྱས་ཀྱང་བོད་ནང་དུ་མུ་མཐུད་སྨྲ་བརྗོད་རང་དབང་དང་ཆོས་དད་རང་དབང་སོགས་འགྲོ་བ་མིའི་ཐོབ་ཐང་ཁག་ལ་བཀག་བསྡོམས་སྔར་ལྷག་བྱས་ཐོག་གཞིས་བྱེས་བོད་མི་དང་རྒྱལ་སྤྱིའི་སྤྱི་ཚོགས་ནས་བོད་དུ་རིག་གཞུང་བཙན་བསྒྱུར་གྱི་ལས་གཞི་སྤེལ་བཞིན་པ་མཚམས་འཇོག་དགོས་པའི་དགོས་འདུན་ལན་མང་བཏོན་པ་ལ་ཉན་འཇོག་མ་བྱས་པར་མུ་མཐུད་བོད་ནང་དུ་རྒྱ་བསྒྱུར་གྱི་སློབ་གསོའི་ལམ་ལུགས་སྤེལ་ཤུགས་ཇེ་ཆེར་བཏང་ནས་མི་རིགས་རྒྱ་བསྒྱུར་དང་རིག་གཞུང་བཙན་བསྒྱུར་གྱི་ལས་འགུལ་མངོན་གསལ་དོད་པོར་སྤེལ་བཞིན་འདུག
རྒྱ་གཞུང་གིས་སྤྱི་ཚོགས་བརྟན་རླིང་དང་དྲྭ་ལམ་གྱི་བདེ་འཇགས་སོགས་ཀྱི་མིང་ཐོག་ནས་བོད་མི་ཚོའི་འདུ་འཛོམས་རང་དབང་ལ་མུ་མཐུད་བཀག་བསྡོམས་ཆེས་ཆེར་བྱེད་པ་ཙམ་མིན་པར་དྲང་བདེན་མ་ཡིན་པའི་སྲིད་ཇུས་ལག་བསྟར་བྱེད་པར་དྲྭ་ལམ་དང་ཡུལ་དངོས་གཉིས་ནས་བསམ་ཚུལ་བཤད་མཁན་དང་སྐྱོན་བརྗོད་བྱེད་མཁན་གྱི་བོད་མི་ཚོ་འཇུ་བཟུང་མནར་གཅོད་དང་བཙོན་འཇུག་ཁྲིམས་ཆད་སོགས་བྱས་དང་བྱེད་མུས་རེད། 

Continue Reading

འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་རྒྱ་ནག་གཞུང་འབྲེལ་གྱི་གནས་ཚུལ་སོགས་ནས་རྒྱུས་ལོས་བྱས་པ་ལྟར་ན་ཉེ་བའི་ལོ་ཤས་རིང་རྒྱ་ནག་གཞུང་གིས་རྒྱ་ནག་ཤར་ཕྱོགས་ཀྱི་བཟོ་ལས་གྲོང་ཁྱེར་ཁག་གི་གློག་གི་དགོས་མཁོ་གཙོ་བོར་དམིགས་ནས་“ནུབ་གློག་ཤར་འདྲེན་West-East Power Transmission Programme”ཞེས་པའི་ལས་གཞིའི་ཁྲོད་འབྲི་ཆུའི་སྟོད་རྒྱུད་གཙོས་བོད་ཀྱི་ཆུ་བོ་ཆེ་ཁག་ལ་གློག་འདོན་ཆུ་མཛོད་ཆེ་ཁག་ཧ་ཅང་མང་པོ་བརྒྱབས་དང་རྒྱག་མུས་ཁྲོད་བོད་མི་སྟོང་ཕྲག་མང་པོ་བཙན་ཤེད་ཀྱི་སྒོ་ནས་ཡུལ་ཕུད་གནས་སྤོ་བྱས་ཡོད་པ་ཤེས་རྟོགས་བྱུང་།  

ཉེ་ལམ་བོད་མི་ཚོས་ལོ་གསར་གཏོང་བཞིན་པའི་དུས་སྐབས་དང་བསྟུན་ནས་རྒྱ་གཞུང་གིས་འབྲི་ཆུའི་སྟོད་རྒྱུད་སྐམ་ཐོག་གློག་འདོན་ཆུ་མཛོད་ཀྱི་ལས་གཞི་མཇུག་སྐྱོང་ཆེད་ཁམས་སྡེ་དགེ་དང་འཇོ་མདའ་རྫོང་གཉིས་ཀྱི་འབྲེལ་མཚམས་འབྲི་ཆུའི་སྟོད་རྒྱུད་དུ་ཆགས་པའི་ཡེ་ན་དགོན་པ་དང་། དབོན་སྟོད་དགོན་པ། མཁའ་མདོ་དགོན་པ། རབ་བསྟན་དགོན་པ། དགོན་སར་དགོན་པ། བཀྲ་ཤིས་དགོན་པ་བཅས་དགོན་ཁག་དྲུག་དང་། དབོན་སྟོད་གྲོང་ཚོ་དང་ཞེ་པ་གྲོང་ཚོ་སོགས་གྲོང་ཚོ་ཁག་ཅིག་གནས་སྤོ་དགོས་པའི་བཙན་བཀའ་བཏང་འདུག རྒྱ་གཞུང་གིས་བོད་མི་ཚོ་འདྲོགས་མགོ་མི་སློང་བའི་ཆེད་དུ་བསམ་བཞིན་དུ་བཀོད་ཁྱབ་འདི་བོད་ཀྱི་ལོ་གསར་དང་བསྟུན་ནས་ཕྱིར་བསྒྲགས་བྱས་པ་ཡིན་ཤས་ཆེ་ཡང་ལོ་གསར་ཚེས་པ་ལྔ་སྟེ་ཕྱི་ཚེས་ ༡༤ ཉིན་སྡེ་དགེ་རྫོང་ཐོག་ཏུ་བོད་མི་ ༣༠༠ ཡས་མས་ཤིག་བསྡུ་འཛོམས་བྱས་ཏེ་གནས་སྤོའི་ལས་གཞི་ཕྱིར་འཐེན་བྱ་རྒྱུའི་རེ་འབོད་ཤུགས་ཆེར་བྱས་འདུག

Continue Reading

རྒྱ་ནག་དམར་ཤོག་ཚོགས་པའི་རྒྱལ་མཚམས་ལས་བརྒལ་བའི་གཉའ་གནོན་འོག་དཀའ་སྡུག་མྱོང་མཁན་མང་དག་ཅིག་གི་གནད་དོན་སྙན་ཐོར་བཀོད་ཟིན་ཡོད་ཀྱང་ད་བར་དུ་བཙན་བྱོལ་བོད་མི་རྣམས་ལ་རྒྱལ་མཚམས་ལས་བརྒལ་བའི་གཉའ་གནོན་ཐེབས་པའི་སྐོར་གྱི་གནད་དོན་གླེང་སློང་བྱས་པ་ཤིན་ཏུ་ཉུང་། དེའི་རྒྱུ་མཚན་གཙོ་བོ་ནི་བོད་མི་ཚོས་རྒྱ་ནག་གི་གནོན་ཤུགས་དེ་དག་ཧ་ཅང་རྒྱུན་ལྡན་ཅན་དུ་བརྩིས་ནས་ཡོད་པས་ཡིན། 

ཁ་སང་ཕྱི་ཟླ་ ༢ པའི་ཚེས་ ༦ ཉིན་འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་“བཙན་བྱོལ་བོད་མིས་མྱོང་བཞིན་པའི་རྒྱ་ནག་གི་རྒྱལ་མཚམས་ལས་བརྒལ་བའི་གཉའ་གནོན་”ཞེས་པའི་དབྱིན་ཡིག་གི་ཆེད་དོན་སྙན་ཐོ་གསར་པ་འདོན་སྤེལ་ཞུས་ཡོད་ཅིང་སྙན་ཐོ་དེ་ནི་བཙན་བྱོལ་བོད་མིས་མྱོང་བཞིན་པའི་རྒྱ་ནག་གི་རྒྱལ་མཚམས་ལས་བརྒལ་བའི་གཉའ་གནོན་སྐོར་གྱི་གནས་ཚུལ་ཞིབ་ཚགས་སྙན་ཐོར་བཀོད་པ་ཐོག་དང་པོ་དེ་ཆགས་ཡོད།

Continue Reading

འདི་ག་ལྟེ་གནས་ཁང་ལ་ཁུངས་ལྡན་གྱི་གནས་ཚུལ་འབྱོར་གསལ་ལྟར་ན་མདོ་སྨད་ཁྲི་ཀ་རྫོང་ནས་ཡིན་ཞིང་ད་ལྟའི་ཆར་སྐྱེ་དགུ་མདོ་རུ་གནས་སྡོད་གནང་མཁན་ཚེ་རིང་མཚོ་ལགས་ཀྱིས་སླར་ཡང་རྒྱ་ནག་གཞུང་ཕྱོགས་ནས་རྒྱ་བོད་མི་རིགས་དབར་དབྱེ་འབྱེད་བྱེད་ཀྱི་ཡོད་པའི་གནས་ཚུལ་དང་བོད་ཡུལ་དུ་ཚོང་ལས་འཛུགས་བསྐྲུན་སོགས་སྤེལ་བར་ལས་ཁུངས་འདྲ་མིན་གྱི་དཔོན་པོ་ཚོས་བཤུ་གཞོག་བྱས་ནས་མགོ་འགྱོག་ཐབས་མེད་པ་བཟོ་བཞིན་པ་སོགས་ཀྱི་གནས་ཚུལ་བརྙན་ཐུང་གི་ལམ་ནས་མོ་རང་གི་སྤྱི་ཚོགས་དྲྭ་བྱང་སྐད་འཕྲིན་དང་འཁྱུག་དབྱངས་སོགས་སུ་སྤེལ་བར་བརྟེན་ཡུལ་ཤུལ་གྲོང་ཁྱེར་ཉེན་རྟོག་པས་“དྲྭ་རྒྱའི་སྒྲིག་ལམ་གཏོར་བཤིག་”དང་“གྲོང་ཁྱེར་གྱི་བདེ་འཇགས་གཏོར་བཤིག་”བཏང་སྟེ་“བསྙད་བརྐོ་ཟིང་སློང་”བྱས་ པའི་ཉེས་མིང་འོག་ཉིན་གྲངས་བཅོ་ལྔ་ཙམ་ལ་འཇུ་བཟུང་བཀག་ཉར་བྱས་འདུག་ཅིང་ད་ལྟར་མོ་རང་དམ་དྲག་ཆེན་པོའི་འོག་བདེ་འཇགས་ཐད་ཉེན་ཁའི་གནས་སུ་ལྷུང་འདུག 

Continue Reading

ཕྱི་ལོ་ ༢༠༢༣ ལོའོ་ཟླ་ ༡༢ པའི་ཚེས་ ༡༠ རྒྱལ་སྤྱིའི་འགྲོ་བ་མིའི་ཐོབ་ཐང་ཉིན་མོར་རྡ་ས་ནོར་བུ་གསོལ་མགྲོན་ཁང་དུ་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་གཞིས་བཞུགས་རྩོམ་པ་པོ་ནགས་ཚང་ནུས་བློ་ལགས་ཀྱི་ལོ་རྒྱུས་དེབ་ཕྲེང་གཉིས་པ་《ནགས་ཚང་གཞོན་ནུའི་རང་མཚང་》ཞེས་པ་དབུ་འབྱེད་མཛད་སྒོ་སྤེལ། 

དབུ་འབྱེད་མཛད་སྒོའི་ཐོག་གི་ལྟེ་གནས་ཁང་གི་བསྒྲགས་གཏམ་གཤམ་གསལ། 

འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ལ་སྙིང་སྟོབས་ཅན་གྱི་གཞིས་བཞུགས་རྩོམ་པ་པོ་ནགས་ཚང་ནུས་བློ་ལགས་ཀྱི་ལོ་རྒྱུས་དེབ་ཕྲེང་གཉིས་པ་《ནགས་ཚང་གཞོན་ནུའི་རང་མཚང་》ཞེས་པ་ཞུ་དག་དང་དཔར་འགྲེམས་ཞུ་རྒྱུའི་གོ་སྐབས་ཐོབ་པར་དགའ་སྤྲོ་ཤིན་ཏུ་ཆེ། 

རྩོམ་པ་པོ་ནགས་ཚང་ནུས་བློ་ལགས་ནི་རང་རེའི་གཉན་འཕྲང་ཆེ་བའི་དུས་སྐབས་འདིའི་སྔ་ཕྱི་བར་གསུམ་གྱི་གནས་ཚུལ་མང་དག་ཅིག་མཐོང་ཐོས་མྱོང་གསུམ་བྱུང་མཁན་གྱི་བདེན་དཔང་མི་སྣ་གལ་ཆེན་ཞིག་ཡིན། ཁོང་གི་ལོ་རྒྱུས་དེབ་ཕྲེང་དང་པོ་《ནགས་ཚང་ཞི་ལུའི་སྐྱིད་སྡུག་》ལས་ཁོང་ཉིད་ཆུང་དུས། རྒྱའི་བཙན་འཛུལ་དང་བོད་མིའི་འགོག་རྒོལ་ཁྲོད་ཀྱི་དམག་འཁྲུག་གི་འཇིགས་པ་དང་། བཙོན་འཇུག་གི་མནར་གཅོད། མུ་གེའི་དཀའ་སྡུག་སོགས་ཀྱི་གནས་ཚུལ་ཞིབ་ཚགས་བཀོད་ཡོད།

Continue Reading

བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་དང་ལྷོ་ཀོ་རི་ཡར་རྟེན་གཞི་བྱས་པའི་ཨེ་ཤི་ཡའི་ཆེ་མཐོང་སྲུང་སྐྱོབ་ཚོགས་པ་  Asian Dignity Initiative (ADI) གཉིས་མཉམ་འབྲེལ་གྱིས་བཏོན་པའི་ཆེད་དོན་སྙན་ཐོ་གསར་པའི་ནང་དུ་ཧི་མ་ལ་ཡའི་རི་རྒྱུད་ཀྱི་རྒྱལ་ཁབ་བལ་ཡུལ་ལ་ཉེ་བའི་ལོ་ཤས་རིང་རྒྱ་ནག་གི་གནོན་ཤུགས་ཇེ་ཆེར་སླེབས་པར་བརྟེན་བོད་མི་ཚོའི་རང་དབང་ལ་ཚད་བཀག་སྣ་ཚོགས་ཤིག་འབྱུང་བཞིན་ཡོད་པས་བོད་མི་མང་པོས་ས་ཁུལ་དེར་“བོད་གཉིས་པ་”ཞེས་འབོད་བཞིན་ཡོད་པར་བརྗོད། བོད་ནི་འཛམ་གླིང་ཐོག་གི་རང་དབང་ཉུང་ཤོས་གྲས་ཀྱི་ས་ཁུལ་ཞིག་ཡིན་པས་དེ་ལྟར་བོས་པ་རེད་འདུག 

“འགག་འཕྲང་དུ་ལུས་པའི་བལ་ཡུལ་ནང་གི་བོད་མི་སྐྱབས་བཅོལ་བ་”ཞེས་པའི་སྙན་ཐོ་དེས་སྔོན་ཆད་བོད་མི་སྐྱབས་བཅོལ་བ་རྣམས་ལ་འདེ་འཇགས་ཀྱི་གནས་མལ་བསྐྲུན་མཁན་གྱི་ས་ཆ་དེ་ནི་ད་ལྟའི་ཆར་བོད་མི་རྣམས་ཀྱིས་ཆོས་ལུགས་དད་མོས་རང་དབང་དང་། རིག་གཞུང་གཅེས་འཛིན་གྱི་རང་དབང་། སྨྲ་བརྗོད་རང་དབང་སོགས་ལོངས་སུ་སྤྱོད་པར་འགོག་རྐྱེན་དང་ཉེན་ཁ་ཆེན་པོ་སྤྲོད་སའི་ས་ཁུལ་ཞིག་ཏུ་གྱུར་དང་འགྱུར་མུས་ཡིན་པ་གསལ་འདུག 

Continue Reading

ཉེ་དུས་དྲྭ་རྒྱའི་སྟེང་དུ་རྩོམ་ཡིག་དང་གཏམ་བཤད་སྤེལ་བའི་རྐྱེན་གྱིས་བོད་མི་མང་དག་ཅིག་ལ་རྒྱ་ནག་གཞུང་གིས་འཇུ་བཟུང་བཙོན་འཇུག་དང་ཉེས་ཆད་འདྲ་མིན་བཅད་པའི་གནས་ཚུལ་བྱུང་ཡོད།  ཟླ་ཤས་གོང་མདོ་སྨད་མགོ་ལོག་ནས་ཡིན་པའི་གཞས་པ་དཔལ་ལྡན་ལགས་ཀྱིས་རང་གིས་བཏང་བའི་ལ་རྒྱའི་གླུ་གཞས་ཤིག་སྒེར་གྱི་མགྱོགས་འཕྲིན་སྟེང་དུ་བཞག་པར་བརྟེན་ས་གནས་རྫོང་གི་ཉེན་རྟོག་པས་འཇུ་བཟུང་བཙན་ཁྲིད་བྱས་ཏེ་ཟླ་བ་འགར་བཙན་དབང་འོག་གར་སོང་ཆ་མེད་ཀྱི་གནས་སུ་བསྐྱལ་རྗེས་ཉེ་ལམ་ལོ་གསུམ་གྱི་བཙོན་འཇུག་ཁྲིམས་བཏང་བའི་གནས་ཚུལ་བྱུང་འདུག

གཞས་པ་དཔལ་ལྡན་ལགས་འཇུ་བཟུང་བཙན་ཁྲིད་བྱས་ནས་ཟླ་འགར་སོང་ཟིན་པ་རེད་ཟེར་བ་མ་གཏོགས་ཁོང་ཉིད་འཇུ་བཟུང་བྱས་པའི་ཚེས་གྲངས་སོགས་ཤེས་ཐུབ་མེད། ནམ་རྒྱུན་ཁོང་གིས་མགྱོགས་འཕྲིན་སྟེང་དུ་གླུ་གཞས་ཐད་གཏོང་དང་གླུ་གཞས་རྡུང་ལེན་འགྲན་ཚོགས་སོགས་ལ་མཉམ་ཞུགས་བྱེད་ཀྱིན་ཡོད། འོན་ཀྱང་འདི་ལོ་ཕྱི་ཟླ་གསུམ་པ་ནས་བཟུང་ཁོང་གི་མགྱོགས་འཕྲིན་སྟེང་གླུ་གཞས་གསར་པ་བཀོད་པ་གཅིག་ཀྱང་མཐོང་རྒྱུ་མི་འདུག་པས་ཁོང་ཉིད་ཕྱི་ཟླ་གསུམ་པའི་ནང་འཇུ་བཟུང་བཙན་ཁྲིད་བྱས་ཡིན་སྲིད། དུས་ཚོད་དེ་ནི་བོད་ཀྱི་སུམ་ཅུའི་དུས་དྲན་དང་རྒྱ་ནག་གི་ཚོགས་ཆེན་གཉིས་ཚོགས་པའི་དུས་ལ་འཁེལ་ཡོད་པར་བརྟེན་རྒྱ་ནག་གཞུང་གིས་ནམ་རྒྱུན་བོད་ནང་དུ་ལྷག་ཏུ་དམ་དྲག་དང་དོ་དམ་ནན་པོ་བྱེད་པའི་སྒང་ཡིན།

Continue Reading

དེ་རིང་ཕྱི་ཟླ་ ༡༠ པའི་ཚེས་ ༢༤ མཉམ་འབྲེལ་རྒྱལ་ཚོགས་ཀྱི་བཅའ་ཁྲིམས་གཏན་འབེབས་བྱས་ཏེ་མི་ལོ་ ༧༨ འཁོར་བའི་དུས་ཆེན་ནམ་ཡོངས་གྲགས་སུ་འབོད་པའི་མཉམ་འབྲེལ་རྒྱལ་ཚོགས་ཀྱི་ཉིན་མོ་སྲུང་བརྩི་ཞུ་བ་དང་སྦྲགས་འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་བོད་མིའི་རང་དབང་དང་ཐོབ་ཐང་འཐབ་རྩོད་གནང་མཁན་གྱི་སྤྱི་སྒེར་ཡོངས་ལ་ཕན་པར་དམིགས་ནས་བོད་ཡིག་ཐོག་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་འགན་སྲུང་བྱེད་ཐབས་ཀྱི་བརྒྱུད་རིམ་ནང་ནས་གལ་འགངས་ཆེ་ཤོས་དམིགས་བསལ་བརྒྱུད་རིམ་ Special Procedure གྱི་སྐོར་ནས་འགྱུར་དེབ་གསར་པ་ཞིག་དབུ་འབྱེད་ཞུས་ཡོད།  

དམིགས་བསལ་བརྒྱུད་རིམ་ཞེས་པ་ནི་འགྲོ་བ་མིའི་ཐོབ་ཐང་གི་གནས་བབ་ཐད་རྟོག་ཞིབ་བྱ་རྒྱུའི་ལས་འགན་སྒྲུབ་ཆེད་རང་ངོས་ནས་དང་བླངས་ཐོག་འོས་མིར་ལངས་རྗེས་འགྲོ་བ་མིའི་ཐོབ་ཐང་ལྷན་ཁང་གིས་འདེམས་སྒྲུག་བྱས་པའི་ཆེད་མཁས་མི་སྣ་ཚོར་གོ་བ་ཡིན། དེ་དག་ནི་དམིགས་བསལ་སྙན་སྒྲོན་པ་ Special Rapporteur (SR) དང་། རང་དབང་ལྡན་པའི་ཆེད་མཁས་མི་སྣ། Independent Expert (IE) རང་དབང་ལྡན་པའི་ཆེད་མཁས་མི་སྣ་འགའ་ལས་གྲུབ་པའི་ལས་དོན་ཚན་ཁག་ Working Group བཅས་ཡིན། དེ་དག་གི་ལས་འགན་གཙོ་བོ་ནི་འཛམ་གླིང་རྒྱལ་ཁབ་ཚོའི་འགྲོ་བ་མིའི་ཐོབ་ཐང་གི་གནས་བབ་ཐད་ཆེད་ལས་རང་བཞིན་གྱིས་རྟོག་ཞིབ་བྱས་མཐར་ཐོབ་ཐང་སྲུང་སྐྱོབ་ཡོང་ཐབས་སུ་འབྲེལ་ཡོད་སྡེ་ཁག་ལ་བླང་དོར་གྱི་སྐུལ་འདེབས་བྱེད་པ་སོགས་ཡིན། 

Continue Reading

ཉེ་ལམ་རེས་གཟའ་མིག་དམར་ཉིན་མཉམ་འབྲེལ་རྒྱལ་ཚོགས་སྤྱི་ཁྱབ་ལྷན་ཚོགས་ཀྱི་རྒྱལ་ཁབ་ ༡༥༤ ཡིས་རྒྱབ་སྐྱོར་གྱི་འོས་ཤོག་འཕངས་ཏེ་རྒྱ་ནག་བསྐྱར་དུ་འགྲོ་བ་མིའི་ཐོབ་ཐང་ལྷན་ཁང་གི་ཚོགས་མིར་འོས་འདེམས་བྱས་སོང་། འདི་ནི་རྒྱ་ནག་ཚོགས་མིར་འདེམས་ཐོན་བྱུང་བ་ཐེངས་དྲུག་པ་ཆགས་ཡོད་ཅིང་འོས་ཤོག་གི་གྲངས་ཚད་དེ་ནི་ཕྱི་ལོ་ ༢༠༢༠ ལོ་དང་བསྡུར་ན་རྒྱལ་ཁབ་ ༡༥ ཡི་རྒྱབ་སྐྱོར་མང་དུ་ཕྱིན་ཡོད། འགྲོ་བ་མིའི་ཐོབ་ཐང་ལྷན་ཁང་ནི་རྒྱལ་སྤྱིའི་ཁྱོན་ཡོངས་སུ་འགྲོ་བ་མིའི་ཐོབ་ཐང་འགན་སྲུང་དར་སྤེལ་བྱ་རྒྱུའི་འགན་འཁྲི་ཡོད་པའི་མཉམ་འབྲེལ་རྒྱལ་ཚོགས་ཀྱི་ལས་ཁུངས་གཙོ་བོ་དེ་ཡིན།

ཡིད་སྐྱོ་བའི་གནས་ཚུལ་དེའི་ཐད་འདི་ག་ལྟེ་གནས་ཁང་གི་འཛིན་སྐྱོང་འགན་འཛིན་བསྟན་འཛིན་ཟླ་བ་ལགས་ཀྱིས་གསུང་དོན་ལ་“དུས་ཡུན་རིང་པོར་འགྲོ་བ་མིའི་ཐོབ་ཐང་རྡོག་རོལ་ཚབས་ཆེན་གཏོང་མཁན་གྱི་རྒྱལ་ཁབ་རྒྱ་ནག་ལྟ་བུ་ཞིག་བསྟུན་མར་འགྲོ་བ་མིའི་ཐོབ་ཐང་ལྷན་ཁང་གི་ཚོགས་མིར་འོས་འདེམས་བྱུང་བ་དེ་ནི་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་ལམ་ལུགས་ལ་འགོས་ནད་ལྕི་མོ་ཐེབས་ཡོད་པའི་མཚོན་རྟགས་ཤིག་རེད།”

Continue Reading

བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་གོ་སྒྲིག་འོག་ཕྱི་ལོ་ ༢༠༢༣ ལོའི་ཟླ་ ༡༠ པའི་ཚེས་ ༡༡ ཉིན་བོད་དང་། ཡུ་གུར། ཧོང་ཀོང་། ཧན་རྒྱ་རིགས། ཐེ་ཊན་པ། སོག་པོ། ཧྥ་ལུན་གོང་རྩ་རླུང་སྒྲོམ་སྒྲུབ་པ་བཅས་སྡེ་ཁག་བདུན་གྱི་སྐུ་ཚབ་གདན་ཞུས་ཐོག་རྒྱ་ནག་གཞུང་གི་རྒྱལ་མཚམས་ལས་བརྒལ་བའི་གཉའ་གནོན་སྐོར་དྲྭ་ལམ་བགྲོ་གླེང་བྱས་ཡོད། 

བགྲོ་གླེང་དེའི་ཁར་ཧོང་ཀོང་ནས་ཡིན་པའི་མང་གཙོ་དོན་གཉེར་བ་ལྕམ་ཇོའི་སུའུ་ལགས་ཀྱིས་ལས་འགུལ་བ་ཚོས་རང་གི་ནང་མི་སྤུན་མཆེད་རྣམས་ཀྱི་བདེ་འཇགས་ལ་གཟབ་ནན་བྱེད་བཞིན་ཡོད་པ་དང་། རྒྱ་གཞུང་གིས་གཞུང་འབྲེལ་དང་གཞུང་འབྲེལ་མ་ཡིན་པའི་ལམ་ཐབས་གཉིས་ཀ་བརྒྱུད་ནས་རང་ལ་སྐྱོན་བརྗོད་བྱེད་མཁན་རྣམས་འབུར་འཇོམས་བྱེད་ཐབས་བྱེད་ཀྱི་ཡོད་པ་གསལ་བཤད་གནང་སོང་། 

DoubleThink lab ནས་ཡིན་པའི་སྐུ་ཞབས་ཨེ་རིག་ཧུསུ་ལགས་ཀྱིས་དྲྭ་ཐོག་འཇབ་རྒོལ་དང་། འཇུ་བཟུང་རྩིས་སྤྲོད་བྱེད་པ་གཙོས་རྒྱ་ནག་གཞུང་གི་རྒྱལ་མཚམས་ལས་བརྒལ་བའི་གཉའ་གནོན་བྱེད་ཐབས་ཁག་ཅིག་གསལ་འདོན་བྱས་ཐོག རྒྱ་གཞུང་གི་སྲིད་ཇུས་ལ་སྐྱོན་བརྗོད་བྱེད་མཁན་སྤྱི་སྒེར་གཉིས་ཀའི་ནུས་པ་རྩ་མེད་གཏོང་བའི་དམིགས་ཡུལ་སོགས་འགྲེལ་བརྗོད་གནང་སོང་།  ཁོང་གིས་རྒྱལ་སྤྱིའི་སྤྱི་དམངས་ཚོགས་སྡེ་ཁག་མཉམ་འབྲེལ་ཐོག་རྒྱལ་མཚམས་ལས་བརྒལ་བའི་གཉའ་གནོན་འགོག་ཐབས་སུ་ལས་འགུལ་སྤེལ་མུས་ཡིན།

Continue Reading

to top