འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་དུ་ཁུངས་ལྡན་གྱི་གནས་ཚུལ་འབྱོར་བ་ལྟར་ན་བོད་ཁམས་ཕྱོགས་རྫ་ཆུ་ཁ་དབོན་པོ་སྡེ་པ་རུ་ཁ་སྔོན་ཕྱི་ཚེས་༢༢ ཀྱི་སྔ་དགོང་གཉིས་ཀར་རྒྱ་ནག་གི་དམག་མི་ཕོན་ཆེན་སླེབས་ནས་ཚེས་ ༢༣ དང་ ༢༤ བར་འདྲི་རྩད་བྱ་རྒྱུ་ཡིན་ཚུལ་བཤད་དེ་སྐྱ་སེར་མི་གྲངས་དྲུག་ཅུ་ཙམ་སྤྱི་ལེ་ ༧༠ ཡས་མས་ཀྱི་ས་ན་ཡོད་པའི་སེར་ཤུལ་རྫོང་ཐོག་ཏུ་འཇུ་བཟུང་བཀག་ཉར་བྱས་ཡོད་པ་རེད། ད་ལྟའི་ཆར་དབོན་པོ་ཡུལ་ཚོར་དམ་དྲག་ནན་མོ་བྱས་ཏེ་དམག་མིས་མི་ཚང་རེ་རེ་བཞིན་བསྔོག་བཤེར་བྱེད་བཞིན་ཡོད་པ་དང་ཁ་སང་ཚེས་༢༥ཉིན་རྒྱལ་ཁབ་ཀྱི་ཁྲིམས་ངོ་སྤྲོད་བྱེད་ཀྱི་ཡིན་ཟེར་ནས་དམངས་ཚོགས་འདུ་སྐོང་བྱས་ཏེ་༧གོང་ས་མཆོག་གི་སྐུ་པར་སྒྲིག་གཤོམ་མི་ཆོག་པ་དང་ཕྱི་ཕྱོགས་སུ་འབྲེལ་བ་བྱེད་མི་ཆོག་སོགས་ནན་བརྗོད་བྱས་ཡོད་པ་རེད།
