འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོའི་འཕེལ་རྒྱས་ལྟེ་གནས་ཁང་དུ་ཁུངས་ལྡན་གྱི་གནས་ཚུལ་འབྱོར་བ་ལྟར་ན། སྤྱི་ཟླ་ ༠༧ ཚེས་ ༢༠ ཡས་མས་ཤིག་ལ། དགུང་ལོ་ ༤༥ ལ་སོན་པའི་རྔ་བ་སྤྲོ་ཚིགས་དགོན་པའི་དགེ་སྐོས་དཀོན་མེ་ལགས་རྒྱ་གཞུང་ཉེན་རྟོག་པས་འཇུ་བཟུང་བཀག་ཉར་བྱས་ནས་བདུན་ཕྲག་གཉིས་ཙམ་ཕྱིན་ཀྱང་ད་དུང་ཁོང་ཉིད་གང་དུ་བཀག་ཉར་བྱས་མིན་དང་ཅིའི་ཕྱིར་དུ་འཇུ་བཟུང་བྱས་མིན་སོགས་གནས་ཚུལ་གང་ཡང་ཤེས་རྟོགས་བྱུང་མི་འདུག གྲྭ་དཀོན་མེ་ལགས་ནི་སྤྲོ་ཚིགས་སྡེ་པ་ནས་ཡིན་ཞིང་སྐུ་ན་ཆུང་དུས་ནས་དགོན་པར་ཚོགས་ཞུགས་གནང་ཡོད་པ་རེད།
