Tag: རྟའུ།

རྒྱ་གཞུང་ཉེན་རྟོག་པས་འཇུ་བཟུང་བཙན་འཁྲིད་བྱས་ཟིན་པའི་རྟའུ་ཉི་མཚོ་དགོན་པའི་གྲྭ་བྱམས་པ་དགེ་ལེགས་ལགས།
རྒྱ་གཞུང་ཉེན་རྟོག་པས་འཇུ་བཟུང་བཙན་འཁྲིད་བྱས་ཟིན་པའི་རྟའུ་ཉི་མཚོ་དགོན་པའི་གྲྭ་བྱམས་པ་དགེ་ལེགས་ལགས།

རྒྱ་གཞུང་ཉེན་རྟོག་པས་བོད་མི་གྲྭ་པ་ཞིག་གིས་རང་ལུས་མེར་བསྲེག་བྱ་འདུན་གྱི་བསམ་ཚུལ་བཅངས་པ་དང་། བོད་ཀྱི་རྒྱལ་དར་མདུན་དུ་པར་བརྒྱབ་པའི་དོགས་གཞིའི་འོག་འཇུ་བཟུང་བཙན་འཁྲིད་བྱས་ཡོད་འདུག

འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༦ ཟླ་ ༥ ཚེས་ ༡༦ ཉིན་གྱི་བོད་ནང་གི་ཕྱི་དྲོ་ཆུ་ཚོད་ ༨ དང་ཕྱེད་ཀ་ཡས་མས་སུ། བོད་མདོ་ཁམས་རྟའུ་ཉི་མཚོ་དགོན་པའི་ནང་བསྟན་གཙུག་ལག་སློབ་གྲྭའི་གྲྭ་བྱམས་པ་དགེ་ལེགས་ལགས་རྟའུ་རྣམ་རྒྱལ་མཆོད་རྟེན་གྱི་གླིང་འགྲམ་ན་འགྲོ་བཞིན་པའི་སྐབས་སུ། གློ་བུར་དུ་རྒྱ་ནག་གཞུང་ཉེན་རྟོག་པས་རྒྱུ་མཚན་སོགས་ཅི་ཡང་གསལ་བཤད་མ་བྱས་པར་འཛིན་བཟུང་བཙན་ཁྲིད་བྱས་ཡོད་འདུག

དེ་བཞིན། བོད་ནང་གི་མཚན་མོ་ཆུ་ཚོད་ ༡༠ ཙམ་ལ་ཉེན་རྟོག་པ་ཕོན་ཆེན་པོ་གྲྭ་བྱམས་པ་དགེ་ལེགས་ཀྱི་གྲྭ་ཤག་ནང་དུ་འཛུལ་ནས་བསྔོག་བཤེར་བྱས་ཡོད་པ་མ་ཟད། མཚན་མོ་དེར་ཉེན་རྟོག་པས་གྲྭ་བྱམས་པ་དགེ་ལེགས་དར་རྩེ་མདོའི་བཙོན་ཁང་དུ་འཁྲིད་ནས་བཀག་བྱས་ཡོད་འདུག

Continue Reading

བོད་མདོ་ཁམས་རྟའུ་རྫོང་ཁང་སར་ཞང་དུ་བོད་མི་བསྟན་འཛིན་རྒྱ་མཚོ་ལགས་ཀྱིས་རྒྱ་གཞུང་གི་དྲག་གནོན་ལ་ཞི་བའི་ངོ་རྒོལ་གྱིས་ཞི་བའི་རང་ལུས་མེར་བསྲེགས་གནང་སྟེ་འདས་གྲོངས་སུ་གྱུར་ཡོད་འདུག

 

རང་ལུས་མེར་བསྲེགས་ཀྱིས་འདས་གྲོངས་ཕྱིན་པའི་བོད་མི་བསྟན་འཛིན་རྒྱ་མཚོ་ལགས།
རང་ལུས་མེར་བསྲེགས་ཀྱིས་འདས་གྲོངས་ཕྱིན་པའི་བོད་མི་བསྟན་འཛིན་རྒྱ་མཚོ་ལགས།

འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༥ ཟླ་ ༥ ཚེས་ ༢༠ ཉིན་གྱི་བོད་ནང་གི་ཕྱི་དྲོའི་ཆུ་ཚོད་ ༨ ཙམ་ལ། བོད་མདོ་ཁམས་རྟའུ་རྫོང་ཁང་སར་ཞང་ཐོག་ཏུ་བོད་མི་བསྟན་འཛིན་རྒྱ་མཚོ་ལགས་ཀྱིས། རྒྱ་གཞུང་གིས་བོད་ནང་དྲག་གནོན་དབང་བསྒྱུར་གྱི་མི་སེར་སྤེལ་བའི་སྲིད་ཇུས་ཞི་བའི་ངོ་རྒོལ་གྱིས་རང་ལུས་མེར་བསྲེགས་གནང་སྟེ་འདས་གྲོངས་ཕྱིན་ཡོད་འདུག

བསྟན་འཛིན་རྒྱ་མཚོ་ལགས་ཀྱིས་ས་གནས་ཁང་སར་ཞང་ས་གནས་རྒྱ་གཞུང་གི་ཚོགས་ཁང་ཞིག་ཡོད་པ་དེའི་ཉེ་འགྲམ་ནས་རང་ལུས་མེར་བསྲེགས་གནང་ཡོད་པ་དང་། སྐབས་དེར་ས་གནས་མང་ཚོགས་མང་པོ་འདུ་འཛོམས་ཀྱིས་ཞི་བའི་སྐད་འབོད་ཀྱང་བྱས་ཡོད་འདུག ཡིན་ནའང་། དེ་མ་དག་རྒྱ་གཞུང་ཉེན་རྟོག་པ་དང་དྲག་ཆས་དམག་མི་ཕོན་ཆེན་འབྱོར་ཏེ་གང་བྱུང་མང་ཚོགས་ལ་གཅར་རྡུང་བྱེད་བཞིན། ཁོང་གི་སྐུ་ཕུང་ཉེན་རྟོག་པས་བཙན་འཕྲོག་གྱིས་ཁྱེར་ཡོད་པ་མ་ཟད། སྔ་ཕྱིར་དེ་གར་འདུ་འཛོམས་དང་ཞི་བའི་སྐད་འབོད་གནང་མཁན་མང་ཚོགས་མང་པོ་འཇུ་བཟུང་བཀག་ཉར་བྱས་ཡོད་འདུག

དེ་རིང་ཕྱི་ཚེས་ ༢༡ ཉིན་ས་གནས་རྒྱ་གཞུང་གིས་བསྟན་འཛིན་རྒྱ་མཚོ་ལགས་ཀྱི་ནང་མིར་བརྡ་བཏང་སྟེ། བསྟན་འཛིན་རྒྱ་མཚོ་ལགས་ད་ལྟ་གྲོངས་ཟིན་ཡོད་པ་དང་། ནང་མི་གཉིས་དར་རྩེ་མདོ་རུ་ཡོང་དགོས་སྐོར་བརྗོད་འདུག དེ་སྔོན་རྟའུ་རྫོང་དུ་བཙུན་མ་དབང་ཆེན་སྒྲོལ་མས་རང་ལུས་མེར་བསྲེགས་སྐབས། རྒྱ་གཞུང་གིས་ཁོང་གི་སྐུ་ཕུང་ནང་མིར་རྩིས་སྤྲོད་མ་བྱས་པར་གློག་གི་པུར་སྒམ་ནང་མེར་བསྲེགས་བཏང་ཡོད་པ་ལྟར། བསྟན་འཛིན་རྒྱ་མཚོ་ལགས་ཀྱི་སྐུ་ཕུང་ཡང་དེ་ལྟར་མེར་བསྲེགས་ཀྱིས་ནང་མིར་རྩིས་སྤྲོད་བྱེད་མི་སྲིད་པར་ས་གནས་མང་ཚོགས་ཀྱིས་ཚོད་དཔག་བྱེད་ཀྱིན་ཡོད་འདུག

Continue Reading

རང་ལུས་མེར་བསྲེགས་ཀྱིས་ཞི་རྒོལ་གནང་མཁན་གྲྭ་སྐལ་བཟང་ཡེ་ཤེས་ལགས། (པར་རིས་བོད་གཞུང་དྲ་རྒྱ།)
རང་ལུས་མེར་བསྲེགས་ཀྱིས་ཞི་རྒོལ་གནང་མཁན་གྲྭ་སྐལ་བཟང་ཡེ་ཤེས་ལགས། (པར་རིས་བོད་གཞུང་དྲ་རྒྱ།)

ཕྱི་ཚེས་ ༢༣ ཉིན་བོད་མདོ་སྟོད་ཁམས་རྟའུ་ཉ་མཚོ་དགོན་པའི་དགེ་འདུན་པ་སྐལ་བཟང་ཡེ་ཤེས་ལགས་ཀྱིས། དགོན་པའི་ཉེ་འོག་ཏུ་ཡོད་པའི་རྒྱ་གཞུང་ཉེན་རྟོག་ལས་ཁུངས་ཀྱི་མདུན་དུ་རང་ལུས་མེར་བསྲེགས་ཀྱིས་སྐུ་གྲོངས་ཡོད་འདུག

འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༤ ཟླ་ ༡༢ ཚེས་ ༢༣ ཉིན་གྱི་བོད་ནང་གི་སྔ་དྲོའི་ཆུ་ཚོད་ ༡༡།༣༠ ཙམ་ལ། རྟའུ་ཉ་མཚོ་དགོན་པའི་དགེ་འདུན་པ་སྐལ་བཟང་ཡེ་ཤེས་ལགས་ཀྱིས་དགོན་ཉེ་འོག་ཏུ་ཡོད་པའི་རྒྱ་ནག་གི་ཉེན་རྟོག་པ་དང་ལས་དོན་རུ་ཁག་གི་ལས་ཁུངས་མདུན་དུ། ༼༸གོང་ས་མཆོག་བོད་ནང་གདན་འདྲེན་ཞུ་དགོས། བོད་མི་རིགས་ལ་རང་དབང་སྤྲོད་དགོས།༽ ཞེས་པའི་འབོད་ཚིག་སྒྲོག་བཞིན་རང་ལུས་མེར་སྲེག་བཏང་སྟེ་རིང་པོ་མ་སོང་བར་མེ་ལྕེ་ཁྲོད་ནས་ས་ལ་འགྱེལ་ཡོད་འདུག དེ་ནས་ས་གནས་བོད་མི་མང་པོ་འཛོམས་ནས་ཁོང་གི་སྐུ་ཕོང་ལ་བདག་པོ་རྒྱག་རྩིས་བྱེད་སྐབས། རྒྱ་གཞུང་ཉེན་རྟོག་པ་དང་དམག་མི་སླེབས་ཏེ་གནམ་ལ་མེ་མདའ་བརྒྱབ་པ་དང་། ཉེན་རྟོག་རླངས་འཁོར་གྱི་ཉེན་བརྡའི་དུང་བརྡ་རྒྱག་པ་སོགས་བྱས་ཏེ། མང་ཚོགས་རྣམས་འཇིགས་སྐུལ་གྱིས་ཁ་འཐོར་དུ་བཏང་རྗེས། སྐུ་ཕོང་རླངས་འཁོར་ནང་བླུགས་ཏེ་བཙན་འཁྱེར་བྱས་ཡོད་འདུག

Continue Reading

to top