དེང་གི་ཆར་རྒྱ་ནག་གི་སྟོབས་ཤུགས་རྒྱས་བཞིན་པ་དེས་ང་ཚོ་ཚང་མར་ཤུགས་རྐྱེན་ངེས་ཅན་ཞིག་སྤྲོད་བཞིན་ཡོད། གཏུམ་དྲག་ཆེ་བའི་རྒྱ་ནག་གི་འུར་སྒྲོག་དེ་དག་གིས་ང་ཚོའི་སེམས་སུ་དངངས་འཚབ་སྦྱིན་པ་དང་། རང་ཉིད་ཀྱི་མ་འོངས་པར་བདེ་འཇགས་ཡོད་མེད་ཀྱི་ཐད་ལ་སེམས་ཁུར་བྱེད་དགོས་པ་བཟོས་ཡོད། རྒྱ་ནག་གཞུང་གི་དམིགས་ཡུལ་དང་ཀུན་སློང་ངོས་ཆོད་པར་ཁོང་ཚོའི་དྲིལ་བསྒྲགས་ཀྱི་ཐབས་ལམ་ལ་དཔྱད་དགོས། རྒྱ་ནག་གི་དྲིལ་བསྒྲགས་ཁག་ཏུ་ང་ཚོ་ཐུན་མོང་གི་ཁེ་ཕན་མཚོན་པ་ལྟ་བུའི་ཚིག་གནད་ཤིན་ཏུ་གསོན་ཉམས་དོད་པོ་སྤྱོད་བཞིན་ཡོད་པས་དེ་དག་བརྒྱུད་དེ་རྒྱ་ནག་གི་དམིགས་ཡུལ་ངོ་མ་ཇི་ལྟར་ཤེས་ཐུབ་བམ་ཞེས་པ་ནི་སྐབས་འབབ་ཀྱི་དྲི་བ་ཡིན།
