ད་ལྟ་རང་ལོ་ ༢༧ ལ་ཕེབས་པའི་༸པཎ་ཆེན་རིན་པོ་ཆེ་དགེ་འདུན་ཆོས་ཀྱི་ཉི་མ་མཆོག་བཙན་ཁྲིད་ཀྱིས་མུ་མཐུད་གར་སོང་ཆ་མེད་གྱུར་ཡོད་པའི་གནས་སྟངས་དེ་རྒྱ་གཞུང་གིས་མཚམས་འཇོག་བྱས་ཏེ། བོད་མིའི་ཆོས་ཀྱི་དབུ་ཁྲིད་ཁོང་འཕྲལ་དུ་ཀློད་གྲོལ་གཏོང་དགོས།
དེ་རིང་ནི་༸པཎ་ཆེན་རིན་པོ་ཆེ་སྐུ་ཕྲེང་བཅུ་པ་མཆོག་གི་ཡང་སྲིད་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་རང་ལོ་ ༢༧ ཕེབས་པའི་སྐུའི་འཁྲུངས་སྐར་ཉིན་མོ་ཡིན་ལ། དེ་བཞིན། ༸པཎ་ཆེན་རིན་པོ་ཆེ་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་དང་། ཁོང་གི་ཡབ་ཡུམ་ནང་མི་དང་བཅས་པ་གར་སོང་ཆ་མེད་དུ་གྱུར་ནས་མི་ལོ་ ༢༡ འགྲོ་བཞིན་ཡོད།