འདི་ག་ལྟེ་གནས་ཁང་དུ་གནས་ཚུལ་འབྱོར་གསལ་ལ་གཞིགས་ན། ད་ལྟ་རང་ལོ་ ༤༧ ཙམ་ཕེབས་པའི་ཟླ་བ་རྒྱལ་མཚན་ལགས་བཙོན་ཁང་ནང་བསྒྱུར་བཀོད་རྣམ་འགྱུར་ཡག་པོ་ཡོད་པའི་དབང་གིས་ལོ་གཉིས་དུས་བཀག་ཆག་ཡང་བཏང་སྟེ་ལོ་སྔོན་མའི་ཕྱི་ཟླ་ ༣ ནང་གློད་ཀྲོལ་བཏང་ཡོད་པའི་གནས་ཚུལ་ཐོན་འདུག
ཟླ་བ་རྒྱལ་མཚན་ལགས་གློད་ཀྲོལ་བཏང་བའི་གནས་ཚུལ་རྒྱ་གཞུང་གི་འབྲེལ་ཡོད་ལས་ཁུངས་ནས་གསལ་བསྒྲགས་བྱས་མེད་ཀྱང་། འདི་ག་ལྟེ་གནས་ཁང་ནས་ཤེས་རྟོགས་བྱུང་བར། ཟླ་བ་རྒྱལ་མཚན་ལགས་མི་ལོ་ ༡༧ ལྷག་ཙམ་བཙོན་ཁང་རིམ་པའི་ནང་ཉེས་རྡུང་མནར་གཅོད་ཕོག་པའི་དབང་གིས་ད་ཆ་གློད་ཀྲོལ་ཐོབ་ཀྱང་གཟུགས་གཞིའི་གནས་སྟངས་ཧ་ཅང་སྐྱོ་པོ་ཆགས་ཡོད་འདུག