ཁ་སང་སྔ་དྲོ་བོད་མདོ་སྨད་ཨ་མཆོག་ཏུ་བོད་མི་ཞིག་གིས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་ཡོད་འདུག
གསར་འགྱུར་བརྒྱུད་ལམ་ཁག་ཏུ་གནས་ཚུལ་ཐོན་པ་ལྟར་ན། ཕྱི་ལོ་ ༢༠༡༤ ཟླ་ ༡༢ ཚེས་ ༡༦ ཉིན་གྱི་བོད་ནང་གི་ཆུ་ཚུད་ ༩ པ་ཙམ་ལ། ཀན་ལྷོ་ཁུལ་བསང་ཆུ་རྫོང་ཨ་མཆོག་ཞང་ཉེན་རྟོག་ཁང་གི་སྒོ་མདུན་དུ། རང་ལོ་ ༣༤ ཡིིན་པའི་བོད་མི་སངས་རྒྱས་མཁར་ལགས་ཀྱིས་རང་ལུས་མེར་བསྲེགས་བཏང་སྟེ། རྒྱ་གཞུང་ལ་ཞི་བའི་ངོ་རྒོལ་གྱིས་སྐུ་གྲོངས་ཡོད་འདུག འདི་ག་ལྟེ་གནས་ཁང་གིས་བཙན་བྱོལ་དུ་གནས་བཞུགས་ཨ་མཆོག་ས་ཆའི་མི་འགའ་ཤས་ལ་གནས་ཚུལ་དེའི་སྐོར་བཀའ་འདྲི་བྱས་པར། ཁོང་ཚོའི་ངོས་ནས་ཀྱང་གནས་ཚུལ་དེ་དངོས་བདེན་ཡིན་པ་བརྗོད་བྱུང་།