
རྒྱ་གཞུང་གིས་ཁམས་སོག་རྫོང་ཁྲི་རུ་དྲིལ་མདའ་དགོན་པའི་གྲྭ་ཚངས་དབྱངས་རྒྱ་མཚོ་ལགས་ལ། རྒྱ་ནག་ལ་ངོ་རྒོལ་བྱ་དགོས་པའི་སྐུལ་སློང་བྱས་པའི་བྱས་མིང་འོག ལོ་ ༡༢ ཀྱི་བཙོན་འཇུག་ཁྲིམས་ཐག་བཅད་དེ། ད་ལྟའི་ཆར་ལྷ་ས་ཆུ་ཤུར་བཙོན་ཁང་དུ་བཙོན་འཇུག་བྱས་ཡོད་འདུག
འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༤ ཟླ་ ༡༠ ཚེས་ ༡ ཉིན། རྒྱ་གཞུང་གིས་གྲྭ་ཚངས་དབྱངས་རྒྱ་མཚོ་ལགས་ལ་རྒྱ་ནག་ལ་ངོ་རྒོལ་བྱ་དགོས་པའི་སྐུལ་སློང་བྱས་པའི་ནག་ཉེས་མིང་འོག ལོ་ ༡༢ ཀྱི་དུས་བཀག་བཙོན་འཇུག་ཁྲིམས་ཐག་བཅད་རྗེས། ལྷ་ས་ཆུ་ཤུར་བཙོན་ཁང་དུ་བཙོན་འཇུག་བྱས་ཡོད་པ་དང་། ཁོང་ལ་ཁྲིམས་ཐག་གཅོད་སྐབས་ནང་མི་ཉེ་འབྲེལ་སུ་ལའང་ཤེས་སུ་མ་བཅུགས་པར། ཁྲིམས་ཐག་བཅད་ནས་ཉིན་ ༡༥ ཕྱིན་པའི་རྗེས་ནས། ད་གཟོད་སོག་རྫོང་ཁྲི་རྡོ་ཡུལ་ཚོ་རུ་ཡོད་པའི་ནང་མིར། གྲྭ་ཚངས་དབྱངས་རྒྱ་མཚོ་ལགས་ལ་ཁྲིམས་ཐག་བཅད་ཟིན་པའི་སྐོར་གྱི་ཡི་གེ་ཞིག་སྤྲད་ཡོད་འདུག