The Tibetan Centre for Human Rights and Democracy (TCHRD) presents footage from Suja, near Dharamsala where students at Tibetan Children’s Village (TCV) school discussed issues and candidates related to the 2016 elections for…
ཉེ་ཆར་བོད་མདོ་སྨད་རྔ་པ་ཀིརྟི་དགོན་པའི་གྲྭ་བློ་བཟང་འཇམ་དབྱངས་དང་། རྔ་པ་སོ་རུ་སྡེ་བའི་འཕྲིན་ལས་དང་བློ་སངས་བཅས་ཀྱིས་རྔ་པ་རྫོང་མཁར་དུ་སྔ་ཕྱིར་ཞི་བའི་སྐད་འབོད་ངོ་རྒོལ་བྱས་པར་བརྟེན་ནསརྒྱ་གཞུང་གིས་འཇུ་བཟུང་བཙན་འཁྲིད་བྱས་ཡོད་པ་དང་། ད་ལྟའི་ཆར་ཁོང་ཚོའི་གནས་སྟངས་ག་འདྲ་ཆགས་ཡོད་མེད་ཀྱི་ཞིབ་ཕྲའི་གནས་ཚུལ་གང་ཡང་ཤེས་རྟོགས་ཐུབ་ཀྱི་མེད་པ་རེད།
འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༥ ཟླ་ ༩ ཚེས་ ༢༣ ཉིན་གྱི་བོད་ནང་གི་ཕྱི་དྲོའི་ཆུ་ཚོད་བཞི་པ་ཙམ་ལ། བོད་མདོ་སྨད་རྔ་པ་ཀིརྟི་དགོན་པའི་གྲྭ་བློ་བཟང་འཇམ་དབྱངས་ལགས་ཀྱིས། ༼བོད་ལ་རང་དབང་དགོས། རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས།༽ ཞེས་སྐད་འབོད་གནང་བཞིན། རྔ་པ་རྫོང་གི་དཔའ་བོའི་སྲང་ལམ་ནས་རྫོང་མཁར་གཞུང་ལམ་དུ་གོམ་བགྲོད་ཀྱིས་རྒྱ་གཞུང་ལ་ཞི་བའི་ངོ་རྒོལ་བྱས་ཡོད་ཀྱང་། དེ་མ་ཐག་དེར་ཡོད་རྒྱ་གཞུང་ཉེན་རྟོག་པ་ཚོས་ཁོང་འཇུ་བཟུང་བཙན་འཁྲིད་བྱས་ཡོད་འདུག དེ་རྗེས་ད་ལྟའི་བར་དུ་ཁོང་གི་གང་དུ་བཀག་ཉར་བྱས་ཡོད་མེད་དང་གནས་ཚུལ་ཅི་བྱུང་སྐོར་གྱི་ཞིབ་ཕྲའི་གནས་ཚུལ་གང་ཡང་ཤེས་རྟོགས་ཐུབ་ཀྱི་མེད་པ་རེད།
Chinese security forces have arbitrarily detained another Tibetan monk from Kirti Monastery in Ngaba County in Ngaba (Ch: Aba) Tibetan and Qiang Autonomous Prefecture, Sichuan Province, in the Tibetan province of Amdo. Lobsang…
The Tibetan Centre for Human Rights and Democracy (TCHRD) presents the first footage from Delhi where students at Tibetan Youth Hostel discussed issues and candidates related to the 2016 elections for Sikyong and…
The Tibetan Centre for Human Rights and Democracy (TCHRD) presents a promo video on the ‘’Youth Speak: Tibetan Election 2016’ campaign. The campaign is aimed at informing and involving the exile Tibetan youth…
From Dharamsala, India the Election Commission of the Central Tibetan Administration announced that the preliminary election for Sikyong (A Tibetan term meaning Political Leader) and members of the 16th Tibetan Parliament will be…
On 22 September, Xi Jinping began his first state visit to the United States in Seattle. This segment of Xi Jinping’s visit will focus on businesses expanding into the People’s Republic of China…
Details have emerged on the identities of some of the unknown number of peaceful Tibetan protesters Chinese authorities have detained less than a month ago in Ngaba (Ch: Aba) County in Ngaba Tibetan…
རྒྱ་གཞུང་ཉེན་རྟོག་པས་ཉེ་སྔོན་ཨ་མདོ་རྔ་པ་རྫོང་གི་ཁྲོམ་གཞུང་དུ་ཞི་བའི་སྐད་འབོད་བྱེད་མཁན་ཕོ་གསར་གཉིས་དང་། རང་ལོ་ ༦༤ ཡིན་པའི་རྒན་མོ་གུས་མོ་དང་། རང་ལོ་ ༢༩ ཡིན་བུད་མེད་རྡོ་རྗེ་སྒྲོལ་མ། དེ་བཞིན། དབྱར་གནས་གྲུབ་རྗེས་དབྱར་ས་ཚིགས་བརྒལ་བར་བསྐྱོད་མཁན་གྲྭ་པ་ལྔ་ལྷག་བཅས་བོད་མི་སྐོར་ཅིག་སྔ་ཕྱིར་འཇུ་བཟུང་བཙན་ཁྲིད་བྱས་ཡོད་འདུག
འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༥ ཟླ་ ༩ ཚེས་ ༡༠ ཉིན་གུང་བོད་ཨ་མདོ་རྔ་པ་རྫོང་ཁྲོམ་གཞུང་དུ་ཕོ་གསར་གཉིས་ཀྱིས་རྒྱ་གཞུང་ལ་ངོ་རྒོལ་སྐད་འབོད་གནང་སྐབས། མི་མང་གིས་དེར་མཐུད་དེ་སྐད་འབོད་གནང་འདུག་ལ། སྐབས་དེར་ཉེན་རྟོག་པས་མི་མང་ཁྲོད་ནས་རང་ལོ་ ༦༤ ཡས་མས་ཡིན་པའི་རྒན་མོ་གུས་མོ་ལགས་འཛིན་བཟུང་བཙན་ཁྲིད་བྱས་ཡོད་པ་དང་། ད་ལྟའི་ཆར་ཁོང་མོ་གར་ཡོད་ཅི་བྱུང་གི་གནས་སྟངས་གསལ་པོ་ཤེས་རྟོགས་ཐུབ་ཀྱི་མེད་པ་རེད།
རྒྱ་གཞུང་གིས་བོད་ས་བཅད་བགོས་ཀྱིས་མི་སེར་སྤེལ་བའི་དྲག་གནོན་དབང་བསྒྱུར་གྱི་ད་ལྟའི་ཁོངས་ལྟར་བྱས་ན། གུས་མོ་ལགས་ནི་ཟི་ཁྲོན་ཞིང་ཆེན་གྱི་ཁོངས་སུ་བཅད་བགོས་བྱས་ཡོད་པའི་རྔ་བ་བོད་རིགས་རང་སྐྱོང་ཁུལ་རྔ་པ་རྫོང་རོང་མཁར་སར་ཡུལ་ཚོའི་རུ་ཆེན་གཉིས་པའི་ཡིན་པ་དང་། ཁོ་མོའི་ཁྱོ་གའི་མིང་ནམ་མཁའ་སྐྱབས་ཟེར་པ་དང་། ཁོ་ཚོང་ལ་ནང་མི་དགུ་ཡོད་འདུག ཁོང་མོ་རྒྱུན་དུ་རྔ་པ་རྫོང་མཁར་གྱི་གཞུང་ལམ་གཙང་བཟོའི་ལས་ཀར་ཉིན་གླ་བྱེད་བཞིན་ཡོད་པ་རེད། གཞན་ཉིན་དེའི་ངོ་རྒོལ་གནང་མཁན་གྱི་ཕོ་སར་གཉིས་དང་སྐབས་ཐོག་དེར་འཛིན་བཟུང་བྱས་པ་གཞན་ཁག་གི་མིང་དང་ཕ་ཡུལ་སོགས་ཤེས་རྟོགས་ཐུབ་ཀྱི་མེད་པ་རེད།
ཕྱི་ཚེས་བཅུ་ཉིན་རྔ་པ་རྫོང་མཁར་དུ་སྔར་ཕྱིར་རྔ་པ་ཀིརྟི་དགོན་པའི་གྲྭ་པ་གཉིས་ཀྱིས་ཞི་བའི་སྐད་འབོད་གོམ་བགྲོད་བྱས་པར། རྒྱ་གཞུང་གིས་ཁོང་གཉིས་འཇུ་བཟུང་བཙན་འཁྲིད་བྱས་ཡོད་པ་མ་ཟད། སྐབས་དེར་ཉེ་འཁོར་ནས་སྐད་འབོད་བྱེད་མཁན་ས་གནས་བོད་རིགས་མང་ཚོགས་རྣམས་ལའང་གཅར་རྡུང་འཇུ་བཟུང་བྱས་ཡོད་པ་རེད། རྒྱ་གཞུང་གིས་དྲག་པོའི་སྟོབས་ཤུགས་ཁོ་ནར་བརྟེན་ནས་བོད་མིའི་ཐོག་དྲག་གནོན་དབང་བསྒྱུར་བྱེད་ཤུགས་ཆེ་རུ་བཏང་བའི་རྐྱེན་གྱིས། བོད་ནང་དུ་མི་སྒེར་ཁེར་རྐྱང་ཁྲོམ་གཞུང་དུ་ཐོན་ཏེ་ཞི་བའི་ངོ་རྒོལ་སྐད་འབོད་བྱེད་མཁན་མང་རུ་འགྲོ་བཞིན་ཡོད།
འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༥ ཟླ་ ༩ ཚེས་ ༡༠ ཉིན་གྱི་སྔ་དྲོ་རྔ་པ་ཀིརྟི་དགོན་གྱི་གྲྭ་ཨ་གྲགས་ལགས་ཀྱིས། “བོད་ལ་རང་དབང་དགོས། ༸རྒྱལ་བ་རིན་པོ་ཆེ་སྐུ་ཚེ་ཁྲི་ལོར་བརྟན་པར་ཤོག” ཅེས་རྒྱ་གཞུང་ལ་ངོ་རྒོལ་སྐད་འབོད་གནང་བཞིན་རྔ་པ་རྫོང་མཁར་གྱི་གཞུང་ལམ་དུ་ཞི་བའི་གོམ་བགྲོད་བྱས་ཡོད་པ་དང་། དེ་མ་ཐག་རྒྱ་གཞུང་ཉེན་རྟོག་པས་རིབ་རྡུང་བྱེད་བཞིན་ཁོང་འཇུ་བཟུང་བཙན་ཁྲིད་བྱས་ཡོད་པ་རེད། སྐབས་དེར་ཉེ་འཁོར་གྱི་བོད་མི་མང་པོས་སྐད་འབོད་བྱས་པར། ཉེན་རྟོག་པས་མི་མང་ལ་གང་བྱུང་གཅར་རྡུང་གཏོང་བཞིན་ཁག་ཅིག་འཛིན་བཟུང་བྱས་ཡོད་ཀྱང་། ད་ལྟའི་ཆར་མི་དེ་དག་གི་མིང་དང་ས་གནས་སོགས་ཞིབ་ཕྲ་ཤེས་རྟོགས་ཐུབ་ཀྱི་མེད་པ་རེད།
རྒྱ་གཞུང་གིས་བོད་ས་བཅད་བགོས་ཀྱིས་མི་སེར་སྤེལ་བའི་དྲག་གནོན་དབང་བསྒྱུར་ཀྱི་ད་ལྟའི་ས་ཁོངས་ལྟར་བྱས་ན། གྲྭ་ཨ་གྲགས་ལགས་ནི་ཟི་ཁྲོན་ཞིང་ཆེན་ཁོངས་སུ་བཅད་བགོས་བྱས་ཡོད་པའི་རྔ་བ་བོད་རིགས་རང་སྐྱོང་ཁུལ་རྔ་པ་རྫོང་ཆོས་རྗེ་མ་ཡུལ་ཚོའི་སོ་རུ་མ་སྡེ་བའི་ཡིན་པ་དང་། ད་ལྟ་ཁོང་རང་ལོ་ ༢༠ ཙམ་ཡིན་འདུག ཁོང་གི་ཕའི་མིང་ལ་འཛམ་པ་དང་མའི་མིང་ལ་རིག་ཁོ་ཟེར། ཁོང་ཚང་ལ་མིང་སྲིང་དགུ་ཡོད་པའི་ནང་ནས་ཆུང་ཤོས་དེ་ཡིན་པ་རེད། ཁོང་ཆུང་ཆུང་དུས་ནས་རྔ་པ་ཀིརྟི་དགོན་པར་ཆོས་ཞུགས་ཀྱིས་དེང་སྐབས་བློ་རིག་འཛིན་གྲྭ་ཡིན་འདུག ཕྱི་ལོ་ ༢༠༡༢ ལོར་ཁོང་གི་ཚ་བོ་གྲྭ་བློ་བཟང་ཚུལ་ཁྲིམས་ལའང་རང་ལུས་མེར་སྲེག་དང་འབྲེལ་བ་ཡོད་པའི་ཉེས་འཛུགས་བྱས་ཏེ་ལོ་ ༡༡ གི་བཙོན་འཇུག་ཁྲིམས་ཐག་བཅད་ནས་ད་ལྟའི་ཆར་བཙོན་ཁང་དུ་གནས་མུས་ཡིན་འདུག
Two Tibetan Buddhist monks have been detained by the local Chinese security forces for launching solo protests in separate incidents last week in the main streets of Ngaba County town in Ngaba (Ch:…