A Tibetan mother of one has been arbitrarily detained and disappeared beginning this month after she staged a peaceful solo protest carrying a portrait of the Tibetan spiritual leader Dalai Lama in Meuruma…
ཟླ་འདིའི་ཕྱི་ཚེས་ ༡ ཉིན་བོད་མདོ་སྨད་རྔ་པ་རྨེའུ་རུ་མའི་བུ་མོ་མང་དགའ་ལགས་ཀྱིས། ༧གོང་ས་མཆོག་གི་སྐུ་པར་འཕྱར་ཏེ་རྒྱ་གཞུང་གི་སྲིད་ཇུས་ལ་ཞི་བའི་ངོ་རྒོལ་བྱས་སྐབས། ས་གནས་ཉེན་རྟོག་པས་འཇུ་བཟུང་བཙན་འཁྲིད་ཀྱིས་གར་སོང་ཆ་མེད་དུ་གྱུར་འདུག
འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༦ ཟླ་ ༣ ཚེས་ ༡ ཉིན་གྱི་བོད་ནང་གི་ཆུ་ཚོད་ ༡༢ ཙམ་ལ། བོད་མདོ་སྨད་རྔ་པ་རྫོང་རྨེའུ་རུ་མ་ཡུལ་ཚོའི་རུ་ཆེན་དང་པོའི་བཀྲ་ཤིས་གཡས་འཁྱིལ་ཚང་གི་བུ་མོ་མང་དགའ་ལགས་ཀྱིས། རྨེའུ་རུ་མའི་ཡུལ་ཚོའི་ཁྲོམ་ལམ་དུ་༸གོང་ས་སྐྱབས་མགོན་ཆེན་པོ་མཆོག་གི་སྐུ་པར་ཞིག་ལག་གཉིས་ཀྱིས་གནམ་ལ་འཕྱར་ཏེ་གོམ་བགྲོད་ཀྱིས། རྒྱ་ནག་གཞུང་གིས་བོད་ཐོག་འཛིན་པའི་དྲག་གནོན་དབང་བསྒྱུར་གྱི་མི་སེར་སྤེལ་བའི་སྲིད་ཇུས་ལ་ངོ་རྒོལ་སྐད་འབོད་གནང་ཡོད་ཅིང་། དེ་མ་ཐག་ས་གནས་ཉེན་རྟོག་པ་ཚོས་ཁོང་མོ་འཛིན་བཟུང་བཙན་ཁྲིད་བྱས་ཡོད་འདུག ད་ལྟའི་ཆར་གནས་སྟངས་གང་ཡང་ཤེས་རྟོགས་མི་ཐུབ་པར་གར་སོང་ཆ་མེད་དུ་གྱུར་ཡོད།
བོད་མདོ་ཁམས་ཉག་རོང་མ་རི་མཚོ་ཁ་ཨཱརྱ་གླིང་དགོན་པའི་གྲྭ་སྐལ་བཟང་དབང་འདུས་ལགས་ཀྱིས་རང་ལུས་མེར་བསྲེགས་གནང་ཏེ། རྒྱ་གཞུང་གིས་བོད་ཐོག་འཛིན་པའི་དྲག་གནོན་དབང་བསྒྱུར་གྱི་མི་སེར་སྤེལ་བའི་སྲིད་ཇུས་ལ་ཞི་བའི་ངོ་རྒོལ་གྱིས་འདས་གྲོངས་སུ་ཕྱིན་འདུག ཁོང་ནི་ཕྱི་ལོ་ ༢༠༡༦ ལོར་བོད་ནང་རང་ལུས་མེར་བསྲེགས་གནང་མཁན་ཐོག་མ་ཆགས་ཡོད་ལ། ད་ལྟའི་བར་བོད་ནང་རང་ལུས་མེར་བསྲེགས་གནང་མཁན་ ༡༤༤ བྱུང་ཡོད།
འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༦ ཟླ་ ༢ ཚེས་ ༢༩ ཉིན་གྱི་བོད་ནང་གི་ཕྱི་དྲོའི་ཆུ་ཚོད་ ༤ སྟེང་། བོད་མདོ་ཁམས་ཉག་རོང་རྫོང་མ་རི་མཚོ་ཁ་ཨཱརྱ་གླིང་དགོན་པའི་རང་ལོ་ ༡༨ ཡིན་པའི་གྲྭ་སྐལ་བཟང་དབང་འདུས་ལགས་ཀྱིས། “བོད་ལ་རང་དབང་རང་བཙན་དགོས། ༧རྒྱལ་བ་བསྟན་འཛིན་རྒྱ་མཚོ་སྐུ་ཚེ་ཁྲི་ལོར་བརྟན་པར་ཤོག” ཅེས་སྐད་འབོད་བྱེད་བཞིན། ཁོང་རང་གི་སྐྱེས་ཡུལ་སྦྱིན་ཡུལ་གྲོང་པའི་ནང་རང་ལུས་མེར་སྲེག་བཏང་སྟེ། རྒྱ་གཞུང་གིས་བོད་ཐོག་འཛིན་པའི་དྲག་གནོན་དབང་བསྒྱུར་གྱི་མི་སེར་སྤེལ་བའི་སྲིད་ཇུས་ལ་ཞི་བའི་ངོ་རྒོལ་བྱས་ཡོད་པ་དང་། སྐབས་དེར་ཉེ་འཁོར་གྱི་མི་མང་གིས་མཐོང་སྟེ་ཁོང་གི་ལུས་སྟེང་གི་མེ་བསད་ནས་ཉག་རོང་རྫོང་སྨན་ཁང་དུ་བསྐྱལ་ཡོད་ཀྱང་དེ་གར་སྲོག་སྐྱོབ་མ་ཐུབ་པར་བརྟེན། རྒྱ་ནག་ཁྲིན་ཏུའུ་སྨན་ཁང་ཞིག་ཏུ་འཁྱེར་བའི་ལམ་བར་ནས་སྐུ་གྲོངས་ཡོད་འདུག ད་ལྟའི་ཆར་ཁོང་གི་སྐུ་ཕུང་རྒྱ་གཞུང་ཉེན་རྟོག་པས་བཙན་འཁྱེར་བྱས་མེད་པར་རང་ཁྱིམ་ནང་དུ་ཉར་ཡོད་འདུག
A Tibetan monk from Rongwo Monastery in Rebkong has been sentenced to two years for keeping and sharing photos of Tibetan spiritual leader Dalai Lama in Rebkong (Ch: Tongren) County, Malho (Ch: Huangnan)…
Early this year, Microsoft concluded that Chinese authorities were responsible for hacking thousands of Hotmail accounts belonging to Tibetans and Uyghurs. The hacking occurred from 2009-2011 and involved forwarding e-mails the victim received…
རེབ་གོང་རོང་བོ་དགོན་པའི་གྲྭ་སྒོ་དམར་ཆོས་འཕེལ་ལགས་ལ། སྤྱི་ཚོགས་བརྟན་ལྷིང་དང་རྒྱལ་ཁབ་ཁ་བྲལ་གཏོང་བའི་བྱ་སྤྱོད་སྤེལ་བའི་ཉེས་འཛུགས་འོག ཟླ་བ་བདུན་རིང་བཀག་ཉར་འདྲི་གཅོད་བྱས་མཐར་ལོ་གཉིས་ཀྱི་བཙོན་འཇུག་ཁྲིམས་ཐག་བཅད་ཡོད་འདུག
གནས་ཚུལ་ཤེས་རྟོགས་བྱུང་བ་ལྟར་ན། ཕྱི་ལོ་ ༢༠༡༦ ཟླ་ ༢ ཚེས་ ༡༧ ཉིན་རྨ་ལྷོ་ཁུལ་འབྲིང་རིམ་མི་མང་ཁྲིམས་ཁང་གིས། ཆ་འཕྲིན་བརྒྱུད་ལམ་ཁག་ཏུ་༧གོང་ས་མཆོག་གི་སྐུ་པར་བརྒྱུད་སྐུར་དང་ཉར་ཚགས་བྱས་ཏེ། སྤྱི་ཚོགས་བརྟན་ལྷིང་དང་རྒྱལ་ཁབ་ཁ་བྲལ་གཏོང་བའི་བྱ་སྤྱོད་སྤེལ་ཡོད་པའི་ཉེས་མིང་འོག གྲྭ་སྒོ་དམར་ཆོས་འཕེལ་ལགས་ལ་ལོ་ ༢ དུས་བཀག་བཙོན་འཇུག་གི་ཁྲིམས་ཐག་བཅད་འདུག ད་ལྟའི་ཆར་རེབ་གོང་རྫོང་གི་བྲག་དམར་འོག་བཙོན་ཁང་དུ་བཅུག་བྱས་ཡོད་པ་དང་། ཁྲིམས་ཐག་བཅད་ནས་ཉིན་བཅུའི་རྗེས་སུ་ནང་མི་བལྟ་རུ་ཡོང་ཆོག་སྐོར་བཤད་ཡོད་འདུག
On Wednesday 17 February 2016, a conference on Tibet, “Rights, Reality and the Law” was held in Denver, Colorado. The Tibetan Centre for Human Rights and Democracy (TCHRD) hosted the event with the…
The Tibetan Centre for Human Rights and Democracy (TCHRD) has received conflicting information on the recent sentencing of Tibetan writer, intellectual and blogger Druklo (pen-name: Shokjang) in Thunding (Ch: Tongren) County in Malho…
བོད་ཀྱི་ན་གཞོན་རྩོམ་པ་པོ་ཞོགས་ལྗང་ལགས་ལ། རེབ་གོང་ཐུན་རིན་ཁྲིམས་ཁང་ནས་ལོ་ ༣ ཀྱི་ཁྲིམས་ཐག་བཅད་ཡོད་པའི་གནས་ཚུལ་ཐོན་འདུག ཡིན་ནའང་། གནས་ཚུལ་ཡོང་ཁུངས་གཞན་ཞིག་གིས་བརྗོད་པ་ལྟར་ན། ད་ལྟའི་ཆར་ཁོང་ལ་ལོ་གསུམ་གྱི་ཁྲིམས་ཐག་གཅོད་རྒྱུའི་བཀའ་རྒྱ་བསྒྲགས་པ་ཙམ་ལས། ད་དུང་དངོས་སུ་ཁྲིམས་ཐག་བཅད་མེད་པར་བཤད།
བརྒྱུད་ལམ་ཁག་ཏུ་གནས་ཚུལ་ཐོན་པ་ལྟར་ན། ཕྱི་ལོ་ ༢༠༡༦ ཟླ་ ༢ ཚེས་ ༡༧ ཉིན། སྨྱུག་མིང་ལ་ཞོགས་ལྗང་དུ་འབོད་པའི་བོད་ཀྱི་ན་གཞོན་རྩོམ་པ་པོ་འབྲུག་ལོ་ལགས་ལ། རེབ་གོང་ཐུན་རིན་ཁྲིམས་ཁང་ནས་ལོ་ ༣ ཀྱི་དུས་བཀག་བཙོན་འཇུག་གི་ཁྲིམས་ཐག་བཅད་ཡོད་པ་མ་ཟད། ཁྲིམས་རྩོད་སོགས་ཀྱི་གོ་རིམ་གང་ཡང་མེད་པར་ཁྲིམས་དཔོན་ཞིག་ནས། རྩོམ་པ་པོ་ཞོགས་ལྗང་ཁོང་གིས་ ༢༠༠༨ ལོར་མི་རིགས་ཁ་བྲལ་གྱི་ཟིང་ཆ་བསླངས་པ་དང་། ཕྱི་གྱར་ཁ་བྲལ་བར་ལྐོག་འབྲེ་བྱས་པ། ཆ་འཕྲིན་བརྒྱུད་ལམ་ཁག་ཏུ་ཐེངས་མང་པོར་སྤྱི་ཚོགས་བརྟན་བརླིང་ལ་གནོད་པའི་བརྗོད་བྱ་སྤེལ་བ་སོགས་ནག་ཉེས་ཁག་ ༤ བགྲང་ནས་ཁྲིམས་ཐག་བཅད་ཡོད་པ་དང་། ཉིན་ ༡༠ ནང་ཚུད་དུ་ཁྲིམས་བཅད་དེར་ངོས་ལེན་ཡོད་མེད་མཚན་རྟགས་འགོད་དགོས་པའི་འགེང་ཤོག་ཅིག་སྤྲད་ཡོད་འདུག ཞོགས་ལྗང་གིས་སྐབས་དེ་རང་ལ་བསྐྱར་དུ་ཞུ་གཏུག་བྱ་རྒྱུ་ཡིན་སྐོར་བརྗོད་འདུག དེ་རྗེས་དུས་ཡུན་སྐར་མ་ ༤ ཙམ་གྱི་རིང་ལོ་ན་བཞི་ལ་སོན་མ་ཐག་པའི་ཁོ་རང་གི་བུ་ཆུང་ལ་ཐུག་འཕྲད་བྱེད་བཅུག་རྗེས་ཕྱིར་ཁྲིད་ཡོད་འདུག
འདི་ག་ལྟེ་གནས་ཁང་གིས་ལོ་ལྟར་བོད་ནང་གི་འགྲོ་བ་མིའི་ཐོབ་ཐང་གནས་སྟངས་ཐད་ལོ་འཁོར་སྙན་ཐོ་རེ་འདོན་བཞིན་པ་ལྟར། ཕྱི་ལོ་ ༢༠༡༥ ལོའི་བོད་ནང་གི་འགྲོ་བ་མིའི་ཐོབ་ཐང་གནས་སྟངས་སྐོར་གྱི་ལོ་འཁོར་སྙན་ཐོ་དེ་བཞིན། ཕྱི་ལོ་ ༢༠༡༦ ཕྱི་ཟླ་ ༢ ཚེས་ ༡༩ ཉིན། བཞུགས་སྒར་རྡ་སའི་གངས་སྐྱིད་བོད་ཀྱི་དཔེ་མཛོད་ཚོགས་ཁང་དུ་བོད་ཡིག་དང་དབྱིན་ཡིག རྒྱ་ཡིག་བཅས་ཡིག་རིགས་གསུམ་གྱི་ཐོག་ནས་འགྲེམས་སྤེལ་བྱས་ཡོད། འདི་ལོའི་སྙན་ཐོའི་ནང་བོད་ནང་གི་ཆོས་ལུགས་དད་མོས་ལ་དམ་དྲག་དང་། བོད་མི་སྒེར་གྱི་རང་དབང་བཙན་འཕྲོག བོད་ཀྱི་རང་བྱུང་ཁོར་ཡུག བོད་ནང་གི་སྤྱི་དམངས་དང་ཆབ་སྲིད་ཐོབ་ཐང་གནས་སྟངས། རྒྱལ་སྤྱིའི་སྤྱི་ཚོགས་དང་འབྲེལ་བའི་བོད་ཀྱི་གནས་བབས་བཅས་དོན་ཚན་ཁག་ལྔ་ཐོག་ནས། ཕྱི་ལོ་ ༢༠༡༥ ལོར་རྒྱ་གཞུང་གིས་བོད་ནང་གི་འགྲོ་བ་མིའི་ཐོབ་ཐང་དང་གཞི་རྩའི་རང་དབང་ཁག་སྔར་ལྷག་རྡོག་རོལ་བཏང་ཡོད་པའི་གནས་སྟངས་གསལ་འདོན་བྱས་ཡོད། འདི་ག་ལྟེ་གནས་ཁང་གི་ཤེས་རྟོགས་བྱུང་བའི་གྲངས་འབོར་གཞིར་བཟུང་ལྟར་ན། ད་ལྟའི་ཆར་བོད་ནང་དུ་ཁྱོན་བསྡོམས་ཆབ་སྲིད་བཙོན་པ་གྲངས་ ༢༠༨༡ ཡོད་པ་དང་། དེའི་ཁྲོད་གྲྭ་བཙུན་གྲངས་ ༩༦༧ ཡོད། ཕྱི་ལོ་ ༢༠༡༥ ལོ་གཅིག་པུར་འཇུ་བཟུང་བཙོན་འཇུག་བྱས་པ་མི་གྲངས་ ༦༨ ཡོད། དེ་བཞིན། ཕྱི་ལོ་ ༢༠༡༤ ཕྱི་ཟླ་ ༩ ནས་ད་ལྟའི་བར་བོད་ནང་རང་ལུས་མེར་བསྲེགས་གཏོང་མཁན་ ༡༡ དང་། ཕྱི་ལོ་ ༢༠༡༥ ལོ་གཅིག་པུར་མི་ ༧ བྱུང་འདུག གཞན་ཡང་འདི་ལོར་བོད་ཡུལ་རྔ་པ་དང་ལི་ཐང་། དཀར་མཛེས་བཅས་ཀྱི་གཙོས་བོད་ཀྱི་ས་ཁུལ་ཁག་ནང་མི་སྒེར་རྐྱང་པ་ཁྲོམ་གཞུང་དུ་ཐོན་ནས་ཞི་བའི་སྐད་འབོད་ངོ་རྒོལ་བྱེད་མཁན་དམིགས་བསལ་ཤུགས་ཆེ་རུ་བྱུང་ཡོད། ལྷག་པར་དུ་རྒྱ་གཞུང་གིས་རྒྱལ་ཁབ་བདེ་འཇགས་དང་འཇིགས་སྐུལ་རིང་ལུགས་བཀག་སྡོམ་ལ་ཁ་གཡར་ཏེ་ནང་དོན་གསལ་ཁ་མེད་པའི་ཁྲིམས་འདྲ་མིན་གཏན་འབེབས་བྱས་ཐོག དོན་དངོས་ཐོག་མང་ཚོགས་ཀྱི་ཆོས་དད་དང་འགྲོ་བསྐྱོད། མི་སྒེར་གྱི་རང་དབང་བཅས་བརྒལ་བཤིག་གཏོང་ཐབས་སུ་བེད་སྤྱོད་བྱེད་ཀྱིན་ཡོད་པ་སོགས་ཐད་ཉམས་ཞིབ་ཀྱིས་གསལ་འདོན་བྱས་ཡོད། གནས་ཚུལ་ཞིབ་རྒྱས་མཁྱེན་འདོད་ཡོད་རིགས་ནས་གཤམ་འཁོད་དྲ་ཐག་བརྒྱུད་ནས་སྙན་ཐོ་ཆ་ཚང་ལྟ་ཀློག་བྱ་ཐུབ།
The Tibetan Centre for Human Rights and Democracy (TCHRD) released today the 2015 Annual Report on human rights situation in Tibet in Dharamsala, India. The annual report is available in Tibetan, English and…