Chinese authorities have announced the appointment of Chinese Communist Party members to key positions at Larung Gar Tibetan Buddhist Institute to exercise direct control over the management and day to day operations of…
རྒྱ་གཞུང་དབང་འཛིན་པས་གུང་ཁྲན་དམར་ཤོག་གི་ཏང་མི་གནས་ཡོད་ཀྱི་མི་སྣ་བོད་ཀྱི་ཆོས་སྡེ་ཆེན་མོ་གསེར་རྟ་བླ་རུང་སྒར་དུ་སྟངས་འཛིན་བྱེད་པོར་བསྐོ་གཞག་བྱས་པའི་བརྒྱུད་བསྒྲགས་བྱས་ཅིང་། ཏང་མི་དེ་དག་གི་ལས་འགན་ནི་ཆོས་སྡེ་དེའི་འགན་འཛིན་ལྷན་ཚོགས་ཀྱི་ཉིན་རེའི་ལས་དོན་དང་བྱེད་སྒོ་ཁག་ལ་ཐད་ཀར་སྟངས་འཛིན་བྱ་རྒྱུའི་དབང་ཚད་སྤྲད་ཡོད། ཆོས་སྡེ་ཆེན་མོ་དེ་ནི། བོད་མདོ་སྨད་ཟེ་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཟེར་བའི་གསེར་རྟར་ཆགས་ཡོད། ཕྱི་ལོ་ ༢༠༡༦ ཟླ་ ༧ ནས་ཆོས་སྡེ་བླ་རུང་སྒར་དུ་གྲྭ་བཙུན་གྱི་གཟིམས་ཤག་གཏོར་བཤིག་དང་གྲྭ་བཙུན་ཕྱིར་འབུད་གཏོང་བའི་ལས་འགུལ་དེ་འགོ་བཙུགས་པ་དང་། འདི་ལོའི་ཕྱི་ཟླ་ ༥ པའི་ཟླ་སྟོད་དུ་རྒྱ་གཞུང་གིས་ཡུལ་སྐོར་སྤྲོ་འཆམ་པ་རྣམས་སྟབས་བདེ་ཡོང་ཆེད་དུ་གྲྭ་བཙུན་ཕྱིར་འབུད་དང་གཟིམས་ཤག་གཏོར་བཤིག་བཏང་ཡུལ་རྣམས་སུ་འགྲོ་ལམ་འཛུགས་སྐྲུན་བྱས་ཡོད། དེ་ནི་སྔ་ལོ་དོན་ཚན་བརྒྱད་ཅན་གྱི་ཡིག་ཆར་རྩ་འཛིན་བྱས་ནས་རྒྱ་གཞུང་གིས་གུང་ཁྲན་ཏང་མི་བསྐོ་གཞག་བྱས་པ་ཞིག་ཡིན་པ་མ་ཟད། གྲྭ་བཙུན་ཕྱིར་འབུད་དང་བཟིམས་ཤག་ ༥༠༠༠ གཏོར་བཤིག་གཏོང་རྒྱུ་སོགས་ཀྱི་གནད་དོན་ཡང་དེར་བཀོད་ཡོད། རྒྱ་གཞུང་གིས་ཆེད་བཙུགས་བྱས་པའི་དགོན་སྡེ་དོ་དམ་ཨུ་ཡོན་ལྷན་ཁང་དང་། རྒྱ་ནག་སྲིད་གཞུང་གི་ལས་བྱེད་པས་ཆོས་སྡེ་དེའི་ལས་དོན་ཡོང་རྫོགས་ཐག་གཅོད་བྱ་ཆོག་རྒྱུའི་དབང་ཚད་ཡོད་པ་བརྒྱུད་བསྒྲགས་ཀྱང་བྱས་ཡོད། དེ་ནི་སྤྱི་ཚོགས་དོ་དམ་དང་སྤྱི་ཚོགས་ཞབས་ཞུའི་དོ་དམ་ཡིན་པ་བཤད་ཡོད་ཀྱང་། དོན་དངོས་སུ་དགོན་སྡེའི་ནང་རྒྱ་གཞུང་གི་བཙན་ཤུགས་ཀྱིས་ཐེ་ཇུས་བྱ་བདེའི་ཆེད་དང་། ལངས་ཕྱོགས་དང་མི་མཐུན་པ་རྣམས་ལ་བཙན་གནོན་བྱ་རྒྱུའི་ཆེད་དུ་ཡིན་པ་དང་། དེ་བཞིན་སྤྱི་ཚོགས་དོ་དམ་དང་ཞབས་ཞུ་ཟེར་བ་ཁ་གཡར་ནས་ཆོས་སྡེ་བླ་རུང་སྒར་གྱི་ནང་རྒྱ་གཞུང་གི་བཙན་ཤུགས་ཇི་ཆེར་གཏོང་རྒྱུའི་དམིགས་ཡུལ་བཟུང་བཞིན་ཡོད། དེ་ཡང་ཕྱི་ཟླ་བ་ ༨ པའི་ཚེས་ ༢༠ ལ་དཀར་མཛེས་བོད་རིགས་རང་སྐྱོང་ཟེར་བའི་གནས་ཡོད་ཀྱི་མི་སྣ་ ༦ ལས་གྲུབ་པའི་ལས་དོན་རུ་མི་མངགས་གཏོང་བྱས་པའི་བརྒྱུད་བསྒྲགས་བྱས་ཡོད་པ་དང་། མི་སྣ་དེའི་ནང་སྐྱེས་པ་ ༥ དང་བུད་མེད་ ༡…
༧གོང་ས་མཆོག་གི་སྐུ་པར་བདག་ཉར་དང་སྤྱི་ཚོགས་དྲ་ལམ་དུ་བརྒྱུད་སྐུར་བྱས་པའི་ཉེར་ལེན་གྱིས་ལོ་གཉིས་ཀྱི་བཙོན་འཇུག་ཁྲིམས་ཐག་བཅད་པའི་དགེ་འདུན་པ་ཞིག་ཟླ་སྔོན་མའི་ནང་ཁྲིམས་ཆད་ཀྱི་ལོ་ཁ་གང་སྟེ་བཙོན་ནས་གློད་ཡོད། ཟླ་བདུན་པའི་བདུན་ཕྲག་གཉིས་པའི་ནང་ལོ་ན་༤༨ ཡིན་པའི་དགེ་འདུན་པ་སྒོ་དམར་ཆོས་འཕེལ་ཧའོ་མེན་བཙོན་ཁང་ནས་གློད་གྲོལ་བཏང་ཡོད། ཧའོ་མེན་བཙོན་ཁང་ནི་མཚོ་སྔོན་ཞིང་ཆེན་མཚོ་བྱང་བོད་རིགས་རང་སྐྱོང་ཁུལ་གྱི་ཁོངས་སུ་ཡོད་པ་དང་། དེ་སྔ་བོད་ཀྱི་རྩོམ་པ་པོ་ཞོགས་ལྗང་ཡང་དེར་བཙོན་འཇུག་བྱས་ཡོད་འདུག སྒོ་དམར་ཆོས་འཕེལ་ནི་མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་གྱི་རེབ་གོང་རོང་བོ་དགོན་གྱི་དགེ་འདུན་པ་ཞིག་ཡིན་འདུག འདི་ག་ལྟེ་གནས་ཁང་གིས་སྔོན་ཆད་སྤེལ་བའི་སྙན་ཐོའི་ནང་འཁོད་པ་ལྟར་ན། ཕྱི་ལོ་༢༠༡༥ ཟླ་༧ ཚེས་༡༠ ཉིན་ཁོང་དགོན་པའི་ནང་བཙན་དབང་གིས་བཀག་སྐྱིལ་བྱས་ཤིང་། དོ་དམ་ཁང་དུ་མ་ཁྲིད་སྔོན་ལ་བདེ་སྲུང་མི་སྣ་ཚོས་ཁོང་གི་གྲྭ་ཤག་དང་ཅ་ལག་ཡོད་རྒུ་བསྔོག་བཤེར་བྱས་ཡོད་ལ། བསྔོག་བཤེར་སྐབས་ཁོའི་ནང་དུ་༧གོང་ས་མཆོག་གི་སྐུ་པར་འགའ་ལག་སོན་བྱུང་བར་སྙད་དེ་ཁོང་བཀག་སྐྱིལ་བྱས་ཡོད། ཁྲིམས་ལུགས་དང་མཐུན་པའི་འགྲོ་ལུགས་གང་ཡང་མ་བརྒྱུད་པར། ཁོང་ལ་སྤྱི་ཚོགས་ཀྱི་བརྟན་ལྷིང་ལ་གནོད་སྐྱེལ་བ་དང་རྒྱལ་ཁབ་ཁ་བྲལ་གཏོང་བའི་ལས་འགུལ་ལ་འབྲེལ་བ་ཡོད་པའི་ཉེས་མིང་བཀལ་ཏེ་ཟླ་བ་བདུན་གྱི་རིང་གསང་བའི་སྒོ་ནས་བཀག་སྐྱིལ་བྱས་མཐར་ལོ་གཉིས་ཀྱི་བཙོན་འཇུག་ཁྲིམས་ཆད་བཅད་ཡོད། དགེ་འདུན་པ་སྒོ་དམར་ཆོས་འཕེལ་འཛིན་དོན་ནི་ཁ་པར་ནང་༧གོང་ས་མཆོག་གི་སྐུ་པར་ཉར་བ་དང་། སྤྱི་ཚོགས་དྲ་ལམ་ཁག་ཏུ་སྐུ་པར་དང་མཉམ་དུ་འདྲ་མཉམ་མེད་ན་བརྟན་ལྷིང་མེད་ཅེས་པའི་བརྗོད་བྱང་བྲིས་ཏེ་སྤེལ་བས་ཡིན་འདུག ཁོང་འཛིན་བཟུང་བྱས་པ་དེས་རྒྱལ་སྤྱི་དང་རྒྱ་ནག་གི་ཁྲིམས་ལུགས་ནང་གཏན་ལ་ཕབ་པའི་བསམ་བློ་དང་། འདུ་ཤེས། ཆོས་ལུགས་བཅས་ཀྱི་གཞི་རྩའི་ཐོབ་ཐང་རྡོག་རོལ་བཏང་ཡོད། རྒྱ་ནག་གི་དབང་འཛིན་པ་ཚོས་མི་ཞིག་གིས་རང་གི་ཆོས་ལུགས་ཀྱི་དབུ་ཁྲིད་ལ་དད་མོས་བྱེད་པ་ཁྲིམས་འགལ་དུ་ངོས་འཛིན་བྱེད་པ་དེ་ནི་བོད་ནང་སྔར་བྱུང་མ་མྱོང་ཆོས་ལུགས་དད་མོས་ལ་བཀག་འགོག་བྱེད་ཤུགས་ཆེ་རུ་བཏང་བ་ཞིག་ཡིན། སྒོ་དམར་ཆོས་འཕེལ་བཙོན་ནས་གློད་སྐབས་ཁོང་གི་ནང་མི་དང་གཉེན་ཉེ་གྲོགས་པོ་མང་པོ་ཞིག་ཁོང་བསུ་བར་བཙོན་ཁང་གི་སྒོ་ཁར་ཕྱིན་ཡོད་ཀྱང་། ཉེན་རྟོག་པས་ཁོང་ཚོར་འདྲ་པར་རྒྱག་བཅུག་མི་འདུག ཁོང་བཙོད་དུ་འདུག་དགོས་བྱུང་བའི་རིང་ཧའོ་མེན་ནོང་ཆང་བཙོན་ཁང་གི་ངལ་རྩོལ་ཁང་དུ་ཉིན་རྟག་པར་དུས་ཡུན་རིང་པོར་དམག་གི་སྒྲིག་ཆས་དང་བྱ་སྤུའི་གྱོན་གོས་འཚེམ་པ། གློག་སྐུད་གཏུབ་པ་སོགས་ལས་རིགས་སྣ་ཚོགས་ལས་དགོས་བྱུང་འདུག ད་ཆ་ཁོང་རང་ཉིད་ཀྱི་དགོན་པའི་ནང་ཆོས་ཕྱོགས་ཀྱི་མཛད་སྒོ་སོགས་ལ་ཞུགས་ཆོག་པ་བྱས་འདུག འོན་ཀྱང་ཁོང་གི་འགྲོ་འདུག་ཀུན་ལ་ས་གནས་ཉེན་རྟོག་པས་ལྟ་རྟོག་ནན་པོ་བྱེད་ཀྱི་ཡོད་པ་དང་། ཁོང་གིས་རང་ཉིད་ཀྱི་གྲོང་ཚོའི་ཕྱི་ལ་འགྲུལ་བཞུད་བྱ་ཆོག་གི་མེད། རྒྱ་ནག་ནང་གི་ཆབ་སྲིད་བཙོན་མ་ཚང་མར་གློད་མ་ཐག་འདི་ལྟར་ཚོད་འཛིན་ནན་པོ་བྱེད་ཀྱི་ཡོད། དེ་ནི་ཆབ་སྲིད་ཀྱི་ཐོབ་ཐང་འཕྲོག་པའི་ཐོག་བཅད་པའི་ཁྲིམས་ཆད་ཅིག་ཡིན། ཆབ་སྲིད་བཙོན་ཟུར་མང་པོ་ཞིག་གིས་བཙོན་ཁང་ནས་གློད་རྗེས་ཁྲིམས་ཆད་འདི་འཁུར་དགོས་ཐུག་ཡོད། ཧའོ་མེན་བཙོན་ཁང་དུ་བོདཀྱི་ཆབ་སྲིད་བཙོན་པ་ཚོའི་གཉེན་ཉེ་དང་ནང་མི་རྣམས་ལ་ཟླ་རེར་ལན་རེ་ཐུག་འཕྲད་བྱ་འཇུག་གི་ཡོད་པ་དང་།…
A Tibetan monk was released from prison last month after serving two years sentence for storing pictures of the Tibetan spiritual leader His Holiness the Dalai Lama and for sharing the same on…
སྔ་ལོ་རྒྱ་གཞུང་གིས་བླ་རུང་སྒར་དུ་གཏོར་བཤིག་བྱས་པས་བཙུན་མ་རང་ཤི་སྐྱོན་མཁན་གྱི་ཞལ་ཆེམས་དེ་ད་ཆ་མི་མང་གིས་ཤེས་རྟོགས་ཐུབ་པ་བྱུང་ཡོད། བཙུན་མ་ཚེ་རིང་སྒྲོལ་མ་ལགས་ཀྱིས་རྒྱ་ནག་གཞུང་གི་བཙན་དབང་གཏོར་བཤིག་ལ་ངོ་རྒོལ་གནང་ནས་ཕྱི་ལོ་ ༢༠༡༦།༧།༡༩ ཉིན་གསེར་རྟ་བླ་རུང་སྒར་པདྨ་མཁའ་འགྲོའི་འདུ་གླིང་གི་རང་ཤག་ཏུ་རང་ཤི་སྐྱོན་པ་དང་། དེ་སྔ་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་ཕེལ་རྒྱས་ལྟེ་གནས་ཁང་ནས་གནས་ཚུལ་སྤེལ་གསལ་ལྟར་གོང་ཚེས་ཉིན་བཙུན་མ་ཚེ་རིང་སྒྲོལ་མ་དང་མཉམ་དུ་བཙུན་མ་བསམ་དགའ་ལགས་ཀྱིས་ཀྱང་རང་ཤི་སྐྱོན་གནང་ཡོད་པ་རེད་ལ། ཕྱི་ལོ་ ༢༠༡༦།༧།༢༠ ཉིན་ནས་རྒྱ་གཞུང་གིས་བླ་རུང་སྒར་གཏོར་བཤིག་གཏོང་མགོ་བཙམས་ཏེ། ཕྱི་ལོ་ ༢༠༡༧།༥ བར་གཏོར་བཤིག་བཏང་ཡོད། རྒྱ་གཞུང་ལ་ཞི་རྒོལ་གྱིས་རང་ཤི་སྐྱོན་མཁན་ཚེ་རིང་སྒྲོལ་མ་ལགས་ཀྱི་ཞལ་ཆེམས་ནང་”ངའི་སེམས་པ་འདི་ཧ་ཅང་སྐྱོ། རྒྱུ་མཚན་རྒྱ་ནག་གཞུང་གིས་ཆོས་སློབ་པ་ལའང་རང་དབང་སྤྲོད་ཀྱི་མི་འདུག སྡོད་ཤག་ཆུང་ཆུང་དེ་ཚོའང་བཤིག་བཞག་ཐལ། ང་ཤི་ན་དགའ།”ཞེས་བྲིས་གནང་ཡོད། ཞལ་ཆེམས་དེ་ནི་ཨོ་སི་ཀྲོ་ལི་ཡར་གནས་བཞུགས་བོད་ཀྱི་ཆབ་སྲིད་བཙོན་ཟུར་ཤེལ་དགེ་འདུན་ཚེ་རིང་ལགས་ཀྱིས་རྒྱ་གར་དུ་ཡོད་པའི་བོད་ཀྱི་དུས་བབ་གསར་ཁང་ལ་མཁོ་སྤྲོད་གནང་བ་ཞིག་ཡིན། བཙུན་མ་ཚེ་རིང་སྒྲོལ་མ་ལགས་ཀྱིས་ཞི་རྒོལ་གྱིས་རང་ཤི་སྐྱོན་པའི་གནས་ཚུལ་དེ་ཕྱི་ལ་གྱར་ནས་ཡོང་ཁྱབ་བྱུང་བ་ཙམ་དུ་མ་ཟད། བོད་ནང་ནས་ཀྱང་དེར་བདེན་དཔང་གནང་མཁན་བྱུང་ཡོད། ད་བར་བླ་རུང་སྒར་དུ་བྱུང་བའི་གནས་ཚུལ་དེ་ཤེས་རྟོགས་ཐུབ་རྒྱུར་འབད་བརྩོན་བྱས་ཀྱང་རྒྱ་གཞུང་གིས་དམ་དྲག་ཤུགས་ཆེ་བྱས་སྟབས་ཞིབ་ཕྲའི་གནས་ཚུལ་རྣམས་ཤེས་རྟོགས་ཐུབ་ཀྱི་མེད། བཙུན་མ་ཚེ་རིང་སྒྲོལ་མ་ལགས་ཀྱི་འཁྲུངས་ཡུལ་དང་འཚར་ལོངས་བྱུང་ས་ནི། སི་ཁྲོན་ཞིང་ཆེན་རྔ་བ་ཁུལ་ཁྱུང་མཆུ་རྫོང་ནས་ཡིན་པ་རེད། དེ་བཞིན་མཙུན་མ་རིག་འཛིན་སྒྲོལ་མ་ལགས་ཀྱིས་ཀྱང་བླ་རུང་སྒར་དུ་ཕྱི་ལོ་ ༢༠༡༦།༧།༢༠ ཉིན་རྒྱ་གཞུང་ལ་ཞི་རྒོལ་གྱིས་རང་ཤི་སྐྱོན་ཡོད་ལ། དུས་ཚེས་དེའི་ཉིན་གསུམ་གྱི་སྔོན་དུ་བཙུན་མ་གཞན་ཞིག་གིས་རང་ཤི་སྐྱོན་རྩིས་གནང་ཡོད་ཀྱང་སྐྱོན་ཐུབ་མེད་པ་དང་། ཁོང་གི་མཚན་སོགས་གང་ཡང་ཤེས་རྟོགས་ཐུབ་ཀྱི་མེད།
A suicide note left by a Tibetan nun last year following the demolition of her shelter by Chinese authorities at Larung Gar Tibetan Buddhist Institute has finally become public. The nun named Tsering…
འཛམ་གླིང་ཐོག་བོད་ཀྱི་ནང་པའི་སློབ་གཉེར་ཁང་ཆེ་ཤོས་བླ་རུང་སྒར་ནི་ཆུ་ག་གོན་བཞིན་དུ་དུམ་བུར་བཏང་སྟེ། ལོ་གཅིག་ནང་རྒྱ་ནག་གི་དབང་འཛིན་པ་ཚོས་དགོན་པའི་གྲྭ་ཤག་སྟོང་ཕྲག་འགའ་ཤས་རྩ་གཏོར་བཏང་བ་དང་། སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཟེར་བའི་གསེར་རྟ་ཁུལ་གྱི་ཆོས་སྡེ་བླ་རུང་སྒར་གྱི་སློབ་གཉེར་བ་སྟོང་ཕྲག་འགའ་ཤས་ཕྱིར་འབུད་བཏང་བ་དང་། ཡོངས་གྲགས་ལྟར་ནང་པའི་སློབ་གཉེར་བྱ་སའི་ལྟེ་གནས་ཆོས་སྡེ་དེ་དུམ་བུར་བཏང་སྟེ་གྲྭ་བཙུན་ཚོའི་བཞུགས་ཤག་བཏོར་ཏེ་ལམ་དང་། སྐས་ལམ། དེའི་གཡས་གཡོན་གྱི་ས་སྟོང་བཅས་སུ་བཟོས་ཡོད། ས་གནས་དེ་རང་ནས་གསང་བའི་ཐོག་གནས་ཚུལ་གསར་པ་འགའ་ཤས་བོད་ཀྱི་འགྲོ་བ་མིའི་ཐོབ་དང་མང་གཙོ་འཕེལ་རྒྱས་ལྟེ་གནས་ཁང་དུ་འབྱོར་ཡོད་པ་རེད། དེ་ནི་ཕྱི་ལོ་ ༢༠༡༦ ལོའི་ཟླ་ ༧ པ་ནས་འདི་ལོའི་ལོ་སྟོད་བར་གྱི་གཏོར་བཤིག་ག་ཚོད་བཏང་མིན་དང་། ཡར་རྒྱས་ལ་ཁ་གཡར་བའི་གཏོར་ཤིག་གཏོང་བཞིན་པ་དེ། སྤྱི་ལོ་ ༢༠༠༡ ལོར་གཏོར་བཤིག་ཤུགས་ཆེ་བཏང་བ་དེ་དང་གཅིག་མཚུངས་སུ་གྱུར་ཡོད། བླ་རུང་སྒར་གཏོར་བཤིག་གཏོང་དགོས་དོན་ནི་སློབ་གཉེར་ཁང་དེའི་མཚན་ཉན་ཇི་ཆེར་སོང་ནས་ནང་ཆོས་དོན་གཉེར་བ་མང་པོ་ཞིག་འཛམ་གླིང་ཡུལ་གྲུ་གང་ས་ནས་ཕེབས་ཀྱི་ཡོད་སྟབས་རྒྱ་གཞུང་གིས་སྟངས་འཛིན་བྱེད་བདེ་ཆེད་དུ་ཡིན་པ་དང་། གཏོར་བཤིག་དེས་བོད་རིགས་ཙམ་མ་ཟད་རྒྱ་རིགས་ནང་ཆོས་དོན་གཉེར་བ་ཚོས་ཀྱང་འཁོན་འཛིན་དང་བློ་ཕམ་བྱེད་ཀྱི་ཡོད། དེས་རྐྱེན་པས་རྒྱ་གཞུང་གྱི་ཆེ་མཐོང་ལ་ཡང་གནོད་སྐྱོན་བྱུང་ཡོད། གྲྭ་བཙུན་རྣམས་ཕྱིར་འབུད་བཏང་ནས་ཡུལ་སྐོར་སྤྲོ་འཆམ་པའི་ཆེད་དུ་འགྲོ་ལམ་བཟོས་པ། ཟླ་སྔོན་མའི་ནང་པར་དང་བརྙན་ཐུང་འགའ་ཤས་རག་པ་དེ་ནས་བླ་རུང་སྒར་གྱི་གྲྭ་བཙུན་རྣམ་པའི་གྲྭ་ཤག་གཏོར་ནས་སྐས་ལམ་ཆེན་པོ་བཅུས་བླ་རུང་སྒར་དུམ་བུར་བཏང་ཡོད་པ་དང་། སྐས་ལམ་དེའི་རིང་ཚད་ལ་མི་ཌར་བརྒྱ་ལྷག་ཙམ་ཡོད་ལ། དེ་ཡུལ་སྐོར་སྤྲོ་འཆམ་ཚོ་རི་རྩེར་སྐྱོད་ཆེད་དུ་བཟོས་ཡོད་ལ། སྐས་ལམ་གྱི་གཡས་གཡོན་དུ་ས་སྟོང་ཧ་ཅང་གི་ཆེན་པོ་བཟོས་ཡོད། དེ་ནི་ས་གནས་རྒྱ་གཞུང་གི་ལས་བྱེད་པས་མེ་སྐྱོན་བྱུང་ཚེ་མེ་རྒྱ་ཁྱབ་མི་ཡོང་བའི་ཆེད་དུ་ཡིན་པར་ཁ་གཡར་གྱི་ཡོད་ཀྱང་། པར་རིས་ལ་གཞིགས་ན་མི་སྐྱོན་ཆེད་དུ་ས་སྟོང་ཆེན་པོ་དེ་འདྲ་འཇོགས་དགོས་དོན་མེད་པ་མཐོང་ཐུབ། ཕྲེད་ལམ་གསར་བཟོ་བྱས་པ་དེས་ཀྱང་གྲྭ་ཤག་དང་ཆོས་སྡེ་དེའི་ཁོར་ཡུག་དུམ་མཚམས་མང་པོར་བཏང་ཡོད་ལ། དེ་བཞིན་རི་ལམ་ཡང་མང་པོ་བཟོས་ཡོད་པ་དེ་དག་ཡུལ་སྐོར་སྤྲོ་འཆམ་པ་ཚོ་མགྲོན་ཁང་སོགས་ལ་འགྲོ་བདེ་ཆེད་དུ་ཡིན་པ་མཐོང་ཐུབ། རྒྱ་གཞུང་གིས་བཙན་དབང་ཐོག་གཏོར་བཤིག་དེ་འདྲ་གཏོང་དགོས་དོན་ནི། ནང་པའི་ཆོས་སྡེ་སློབ་གཉེར་ཁང་དེའི་མཚན་སྙན་གྱི་ནུས་ཤུགས་རྒྱ་ཁབ་ཏུ་མི་འགྲོ་བའི་ཆེད་དུ་རེད་ཅེས་རྒྱ་མི་ནང་ཆོས་དོན་གཉེར་བ་མང་པོ་ཞིག་གིས་བཤད་ཀྱི་ཡོད་ཅིང་། དེ་བཞིན་རྒྱ་རིགས་བུ་མེད་ནང་ཆོས་དོན་གཉེར་བ་འགའ་ཞིག་གིས་དེ་ནི་ཡར་རྒྱས་ལ་ཁག་གཡར་བ་ཙམ་ལས་དོན་དངོས་སུ་གྲྭ་ཤག་དང་མི་འབོར་ཉུང་དུ་གཏང་རྒྱུའི་ཆེད་དུ་རེད་ཅེས་བཤད་ཀྱི་ཡོད། དེ་མཚུངས་སུ་ལོ་སྔོན་མར་ཡ་ཆེན་སྒར་དུ་ཡང་དོན་མེད་ཀྱི་ལམ་ཆེན་བཟོས་ནས་ཁང་པ་མང་པོ་རྩ་གཏོར་བཏང་ཡོད།…
Larung Gar, the world’s largest Tibetan Buddhist institute, resembles a sliced melon, a year after Chinese authorities dismantled thousands of monastic residences and evicted Buddhist practitioners in Larung valley in Tibet’s Serthar (Ch:…
མིང་དུ་གྲགས་པའི་བོད་ཀྱི་གླུ་བ་དང་གླ་ཚིག་རྩོམ་པ་པོ་སྐལ་བཟང་ཡར་འཕེལ་ལགས་ལོ་ངོ་ཧྲིལ་པོ་བཞིའི་བཙོན་འཇུག་ཁྲིམས་ཐག་ཚང་ནས་གློད་གྲོལ་བྱུང་པར་འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ནས་དགའ་བསུ་བྱེད་ཀྱི་ཡོད། སྐུ་ཞབས་སྐལ་བཟང་ཡར་འཕེལ་ལགས་དགུང་ལོ་༤༡དང་། ཁ་སང་སི་ཁྲོན་ཞིང་ཆེན་གྱི་གྲོང་ཁྱེར་གཙོ་གྲས་ཁྲིན་ཏུའུ་ཡི་ཉེ་འཁྲིས་ཀྱི་མེན་ཡང་བཙོན་ཁང་ནས་གློད་གྲོལ་བྱུང་པའི་གནས་ཚུལ་ཁག་ཅིག་འདི་ག་ལྟེ་གནས་ཁང་ལ་རག་པའི་བརྙན་ཐུང་དང་པར་རིས་ལས་སྒྱུ་རྩལ་པ་ཁོང་བཙོན་གྲོལ་ཐོབ་པར་ཁོང་གི་དགའ་ཉེ་གྲོགས་མང་པོ་ཞིག་གིས་བོད་ཀྱི་སྲོལ་རྒྱུན་ལྟར་དགའ་བསུའི་ཁ་བཏགས་འཐེན་པ་དང་། བརྙན་ཐུང་གཞན་པ་ཞིག་ལས་གསོལ་མགྲོན་ཁང་ཞིག་ཏུ་ཁོང་གིས་དེང་རབས་ཞྭ་མོ་སྣ་རིང་ཞིག་གྱོན་ནས་དགའ་ཉེ་གྲོགས་པོ་ཚོ་ལྷན་འཛོམས་ཀྱི་གླུ་གཞས་གཏོང་གི་ཡོད་པ་སོགས་ཁོང་བཙོན་གྲོལ་ཐོབ་པར་རྟེན་འབྲེལ་ཞུ་བའི་རྣམ་པ་མཐོང་ཐུབ་ཀྱི་འདུག སྐུ་ཞབས་སྐལ་བཟང་ཡར་འཕེལ་དང་ཁོང་གི་ནང་མི་རྣམས་ཁྲིན་ཏུའུ་ནས་ཞག་གཅིག་བསྡད་ནས་ཕྱི་ཉིན་ཞོགས་པ་ཕ་ཡུལ་རྨ་ཆུ་ལ་འབྱོར་ཡོད་པ་རེད། ད་ལྟའི་ཆར་རྒྱ་གཞུང་གིས་བརྒྱུད་ལམ་ཁག་དམ་བསྒྲགས་ཆེ་བས་འདི་ག་ལྟེ་གནས་ཁང་ནས་ཁོང་གི་གཟུགས་གཞིའི་གནས་སྟངས་གང་འདྲ་ཡིན་ཤེས་རྟོགས་ཡོངས་ཐབས་བྲལ། སྐུ་ཞབས་ཡར་འཕེལ་ཁོང་ཕྱི་ལོ་༢༠༡༣ལོ་ཟླ་༧པའི་ཚེས་༡༤་ཉིན་བོད་ཀྱི་རྒྱལ་ས་ལྷ་ས་ནས་འཛིན་བཟུང་བཙན་ཁྲིད་ཀྱིས་རྒྱ་ནག་ཁྲིན་ཏུའུ་གྲོང་ཁྱེར་གྱི་ལྟ་རྟོག་ཁང་ཞིག་ཏུ་བཀག་ཉར་གྱིས་ཕྱི་ལོ་༢༠༡༤ལོའི་ཟླ་༡༡པའི་༢༧ཉིན་བཙོན་འཇུག་ཁྲིམས་ཐག་མ་བཅད་པར་གར་ཡོད་གནས་ཚུལ་ཤེས་རྟོགས་བྱུང་མེད། དེ་ནི་ཁོང་འཛིན་བཟུང་བྱས་པ་ཐེངས་གསུམ་པ་ཆགས་ཡོད། ཕྱི་ལོ་༢༠༡༢་ལོར་ལྷ་ས་ནས་ཁོང་ས་གནས་ཉེན་རྟོག་པས་གང་བྱུང་འཇུ་བཟུང་ཐེངས་གཉིས་བྱས་འདུག་མོད་ཉེས་ཁྲིམས་མ་ཕོག་པར་གློད་འདུག དེ་སྐབས་ནས་བཟུང་ཁོང་གི་གླུ་གཞས་འོད་སྡེར་ཁག་ཚོང་འགྲེམས་བྱེད་པ་བཀག་སྡོམ་དང་གཞུང་བཞེས་བྱས་ཡོད་འདུག སྐལ་བཟང་ཡར་འཕེལ་ནས་ཐོག་མ་ནས་བོད་ཀྱི་ལ་རྒྱ་དང་མཐུན་སྒྲིལ་ལ་དམིགས་པའི་རྡུང་ལེན་མང་པོ་བླངས་ཤིང་། ད་དུང་ཁོང་གིས་ལྟད་མོ་བ་མང་པོ་འཛོམས་སའི་གླུ་གཞས་དགོང་ཚོགས་བཀོད་སྒྲིག་བྱས་མྱོང་འདུག ཁོང་ནི་བོད་ནང་དུ་ཡོངས་གྲགས་ཀྱིས་དགའ་མོ་བྱ་སའི་གཞས་པ་ཡ་དུང་དང་ཤེར་བརྟན། དབྱངས་ཅན་ལྷ་མཛེས་སོགས་དང་འདྲ་།། ཕྱི་ལོ་༢༠༡༢་ལོ་ཟླ་བཅུ་པ་དང་བཅུ་གཅིག་ནང་ཁོང་གི་༼ཁ་བའི་མེ་ཏོག༽ཞེས་པའི་དགོང་ཚོགས་ཤིག་བསྡུས་ནས་དེ་སྟེང་ཁོང་གིས་༼བོད་པ་ཚོ་༽ཞེས་གཞས་ཤིག་བཏང་འདུག གཞས་ཚིག་ནི་ ” བོད་པ་ཚོ། ང་ཚོའི་བོད་ཡིག་སྦྱོང་། བོད་སྐད་བཤད། བོད་ཀྱི་སྐད་དང་ཡི་གེ་སྦྱོང་བའི་འོས་འགན་ང་ཚོར་ཡོད། བོད་པ་ཚོ། ང་ཚོས་མཐུན་སྒྲིལ་བྱེད། མཐུན་སྒྲིལ་བྱེད། སྟོད་སྨད་བར་གསུམ་མཐུན་སྒྲིལ་བྱས་ཏེ་རྡོག་རྩ་གཅིག་སྒྲིལ། བོད་པ་ཚོ། ང་ཚོས་སྙིང་སྟོབས་སྐྱེད། སྐྱིད་སྡུག་འདྲེས་མའི་ལོ་ཟླ་བསམ་ཏེ་ང་ཚོས་སྙིང་སྟོབས་སྐྱེད། བོད་པ་ཚོ། ང་ཚོས་བདེ་སྡུག་གླེང་། མ་འོངས་བོད་མིའི་མདུན་ལམ་བསམ་དེ་ང་ཚོས་ཕུགས་བསམ་འཚོལ། བོད་པ་ཚོ། ང་ཚོས་ལ་རྒྱ་འཛིན། ལ་རྒྱའི་ཕྲག་གདང་གཤིབ་སྟེ།…
The Tibetan Centre for Human Rights and Democracy (TCHRD) welcomes the release of popular Tibetan singer and composer Mr Kelsang Yarphel from prison after the completion of his four-year term. Mr Yarphel, 41,…
སྔར་ལོའི་ཕྱི་ཟླ་༨ནང་། རྒྱ་གཞུང་གིས་དྲག་ཆས་ཉེན་རྟོག་པས་གློ་བུར་གྲྭ་ཤག་ཏུ་འཛུལ་བ་དང་། དགེ་འདུན་པ་དགེ་འདུན་པ་དགེ་འདུན་གྲགས་པ་དང་བློ་བཟང་ཤེས་རབ་གཉིས་ཀྱི་གདོང་བར་མེ་མདའ་གཏད་ནས་བཙན་འཁྲིད་བྱས་ནས་ད་ལྟའི་བར་ཟླ་བ་བཅུའི་རིང་། ཁྲིམས་འགལ་བཀག་ཉར་བྱས་པ་དང་། ཟླ་འདིའི་ནང་ཁྲིམས་འགལ་གྱི་སྒོ་ནས་ཁྲིམས་ཐག་བཅད་འདུག བརྒྱུད་ལམ་ཁག་ཏུ་གནས་ཚུལ་ཐོན་གསལ་ལྟར་ན། རྒྱ་ནག་དབང་སྒྱུར་གྲལ་རིམ་གྱིས་བོད་ས་བཅད་བགོས་ལྟར་བྱས་ན། ཟི་ཁྲོན་ཞིང་ཆེན་རྔ་བ་ཁུལ་མཛོད་དགེ་རྫོང་དུ་ཡོད་པའི་ཐང་སྐོར་སོག་ཚང་དགོན་པའི་གཞུང་གཉེར་དང་དགུང་ལོ་༤༠ཡིན་པའི་དགེ་འདུན་པ་དགེ་འདུན་གྲགས་པ་དང་། དགོན་པའི་གཉེར་ཚང་གི་ལས་བྱེད་དང་དགུང་ལོ་༣༦ཡིན་པའི་བློ་བཟང་ཤེས་རབ་གཉིས་ལ། ཕྱི་ལོ་༢༠༡༧ཟླ་༦ཚེས་༡༧ཡས་མས་ཞིག་ཏུ། རྒྱལ་རོང་ཁྲོ་ཆུ་རྫོང་མི་དམངས་ཁྲིམས་ཁང་གིས་ཁྲིམས་ར་འཚོགས་ཏེ། ཁོང་གཉིས་ཀྱིས་ཕྱི་ཕྱོགས་ལ་འབྲེལ་བ་བྱས་པ་དང་། རྒྱལ་ཁབ་ཁ་བྲལ་གྱི་བྱ་འགུལ་སྤེལ་པའི་ནག་ཉེས་ཞེས་ཆབ་སྲིད་ཀྱི་ངོ་བོར་སྒྱུར་ནས། དགེ་འདུན་གྲགས་པ་ལ་ལོ་ལྔ་དང་། བློ་བཟང་ཤེས་རབ་ལ་ལོ་བཞི་ཡི་ཁྲིམས་ཐག་བཅད་ནས་དུས་བཀག་བཙོན་འཇུག་བྱས་ཡོད་འདུག ཁྲིམས་ར་འཚོགས་ཉིན་དེར། ཁོང་གཉིས་ལ་དག་འབུད་བྱེད་མཁན་གྱི་ཁྲིམས་རྩོད་པ་གླ་རུ་བཅུག་མེད་པ་མ་ཟད། དོ་བདག་སོ་སོའི་ངོས་ནས་དག་སེལ་གྱི་སྐད་ཆའང་བཤད་དབང་སྤྲད་མི་འདུག་ལ། ཕ་མ་སྤུན་མཆེད་སོགས་ཁྲིམས་ར་རུ་ཡོང་དུ་མ་བཅུག་པས། ཟུར་ཉན་བྱེད་མཁན་གཞན་དག་ལའང་ཞིབ་བཤེར་དང་དམ་དྲག་ཤུགས་ཆེར་བྱས་འདུག་ལ། ད་ལྟ་ཁོང་གཉིས་ཀྱི་གཟུགས་གཞི་བདེ་ཐང་ཡིན་མིན་གྱི་གནས་ཚུལ་གང་ཡང་ཤེས་རྟོགས་མ་ཐུབ་པར་ལྷག་ཡོད། མཉམ་འབྲེལ་རྒྱལ་ཚོགས་ཀྱི་<<ཡོངས་ཁྱབ་གསལ་བསྒྲགས་ཀྱི་འགྲོ་བ་མིའི་ཐོབ་ཐང་>>གི་དོན་ཚན་༣ནང་དུ། སྐྱེ་བོ་རེ་རེར་སྲོག་འཚོ་བ་དང་། རང་དབང་ལ་སྤྱོད་པ། རང་ཉིད་སྲུང་སྐྱོབ་བཅས་ཀྱི་ཐོབ་ཐང་ཡོད་ཅེས་དང་། དོན་ཚན་༥ནང་དུ། སྐྱེ་བོ་སུ་ཞིག་ལའང་མནར་གཅོད་དང་སྡུག་སྦྱོང་གཏོང་བའམ། མི་སྤྱོད་ལས་འདས་པ་དང་དམའ་འབེབ་མཐོང་ཆུང་བྱེད་པ། ཁྲིམས་ཉེས་འགེལ་བའི་རིགས་མི ཆིག་ཅེས་དང་། དོན་ཚན་༦ནང་དུ། སྐྱེ་བོ་མང་མ་ཁྲིམས་ཀྱི་མདུན་ས་གང་འདྲ་ཞིག་ཏུའང་འགྲོ་བ་མི་ཞིག་ཡིན་པར་ངོས་འཛིན་དགོས་པའི་ཐོབ་ཐང་ཡོད་ཅེས་དང་། དོན་ཚན་བརྒྱད་པའི་ནང་དུ།…