རྒྱ་གཞུང་གིས་གཙང་གསུམ་མགོ་ཁུངས་སྐྱེས་ཁམས་སྲུང་སྐྱོབ་ལ་ཁ་གཡར་ཏེ། ནང་ཆེན་རྫོང་ཉག་ལ་ཡུལ་ཚོ་ཆུ་སྨད་གྲོང་ཚོའི་འབྲོག་པ་རྣམས་གནས་སྤོར་བྱེད་བཅུག་རྗེས། གནས་སྤོའི་གུན་གསབ་དང་འཚོ་བའི་མཐུན་རྐྱེན་ལེགས་པོ་མ་སྦྱར་བའི་རྐྱེན་པས། ས་གནས་མང་ཚོགས་ཞུ་གཏུགས་ཁྲོམ་སྐོར་བྱ་དགོས་བྱུང་ཡོད།
འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ཟླ་ ༨ ཚེས་༢༦ ཉིན་གྱི་སྔ་དྲོ་བོད་མདོ་ཁམས་ནང་ཆེན་རྫོང་ཉག་ལ་ཡུལ་ཚོ་ཆུ་སྨད་གྲོང་ཚོའི་མི་མང་གིས་རྒྱ་གཞུང་ལ་ཞུ་གཏུག་རྔམ་སྟོན་ཁྲོམ་སྐོར་བྱས་རྐྱེན། ཞུ་གཏུགས་ངོ་རྒོལ་བྱེད་མཁན་བོད་མི་ཁག་ཅིག་རྒྱ་གཞུང་ཉེན་རྟོག་པས་འཇུ་བཟུང་བཀག་བསྐྱིལ་བྱས་ཡོད་འདུག