སྤྱི་ལོ་ ༢༠༢༥ ལོའི་ཟླ་ ༦ པའི་ནང་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་ཨོ་སོ་ཁྲོ་ལི་ཡར་ཆེད་བསྐྱོད་ཀྱིས་ཉིན་བཅུའི་རིང་རྒྱ་ནག་གི་རྒྱལ་འཚམས་བརྒལ་བའི་བཙན་གནོན་གྱི་ཉེན་ཁ་ཆེ་རུ་འགྲོ་བཞིན་པར་གདོང་ལེན་དང་ནུས་པ་ཡར་རྒྱས་གཏོང་ཐབས་སྐོར་ལ་དམིགས་ཡོད། འཛིན་སྐྱོང་འགན་འཛིན་བསྟན་འཛིན་ཟླ་བ་དང་། འགན་འཛིན་ཟུར་པ་ཚེ་རིང་མཚོ་མོ། དེ་བཞིན་ཨོ་གླིང་བོད་དོན་ལྷན་ཚོགས་ཀྱི་(Dr Zoe Bedford)བཅས་ཀྱིས་ Sydney དང་། Canberra་ Blue Mountains བཅས་ཀྱི་ཁུལ་དུ་གནས་སྡོད་ས་གནས་བོད་མི་དང། ཨོ་སོ་ཁྲོ་ལི་ཡའི་གཞུང་གི་གནས་ཡོད་མི་སྣ་དང་ལས་བྱེད། ཚོགས་སྐྱིད་ཁག་གི་འབྲེལ་ཡོད་མི་སྣ་དང་ཤེས་ཡོན་ཅན་སོགས་དང་འབྲེལ་གཏུགས་ཞུས་ཡོད། ཟླ་ ༦ ཚེས་ ༡༤ ཉིན་ནས་ཚེས་ ༡༨ བར་ Sydney གྲོང་ཁྱེར་ Dee Why ནང་ཉིན་གཉིས་རིང་དེ་གའི་མང་ཚོགས་ལ་ནུས་པ་གོང་འཕེལ་གྱི་ཟབ་སྦྱོང་ཐེངས་གཉིས་སྤྲད་ཡོད་པ་དང་།  རྒྱ་ནག་གི་རྒྱལ་འཚམས་བརྒལ་བའི་བཙན་གནོན་རྒྱུས་ལོན་ཤེས་རྟོགས་དང་།  དེ་བཞིན་མཉམ་ཞུགས་གནང་མཁན་རྣམས་ཕན་ཚུན་ངོ་སྤྲོད་རྒྱུས་ལོན། རྒྱལ་འཚམས་བརྒལ་བའི་བཙན་གནོན་ལ་གདོང་ལེན་དང་རང་ཉིད་ཇི་ལྟར་སྲུང་སྐྱོབ་བྱེད་ཕྱོགས་བཅས་ཀྱི་ཐད་ལ་ཟབ་སྦྱོང་སྤྲད་ཡོད།...

རྒྱལ་སྤྱིའི་མནར་གཅོད་འགོག་པའི་ཉིན་མོ་སྲུང་རྩི་དང་བསྟུན་ནས་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ནས་བོད་ཀྱི་ཆབ་སྲིད་བཙོན་པ་དང་། ཁོར་ཡུག་སྲུང་སྐྱོབ་མཁན། འགྲོ་བ་མིའི་ཐོབ་ཐང་རྩོད་ལེན་གནང་མཁན་ཚོའི་སྙིང་སྟོབས་ལ་གུས་འདུད་ཞུ་བཞིན་ཡོད། འདི་ལོའི་དུས་དྲན་དེ་རྒྱ་ནག་གཞུང་གིས་མཉམ་འབྲེལ་རྒྱལ་ཚོགས་ཀྱི་མནར་གཅོད་འགོག་པའི་ཚོགས་ཆུང་ལ་ཕྱི་ལོ་ ༢༠༢༥ ཟླ་ ༢ པར་སྙན་ཞུ་ཐེངས་དྲུག་པ་སྤྲད་རྗེས་དུས་ཚོད་ཕྱིར་འགྱངས་བྱས་ཏེ་ལོ་ལྔ་ལྷག་སོང་བ་དང་སྐབས་འཁེལ་ཡོད། སྙན་ཐོ་དེས་མནར་གཅོད་འགོག་ཐབས་ཀྱི་ཁྲིམས་དང་སྒྲིག་གཞི་མང་པོར་བསྒྱུར་བཅོས་བཏང་ལུགས་འཁོད་ཡོད་ཀྱང་། བོད་ནང་གི་གནས་སྟངས་གཏན་ནས་ཁས་ལེན་བྱེད་ཐབས་མེད། མནར་གཅོད་དེ་དག་སྔར་བཞིན་བཀག་སྡོམ་ཅན་དང་རྒྱལ་ཁབ་ཀྱིས་ལག་ལེན་བྱེད་པའི་བྱ་སྤྱོད་གཅིག་ཆགས་ཡོད།...

ལོ་རེའི་ཟླ་ ༥ ཚེས་ ༡༧ ཉིན་ནི་པཎ་ཆེན་དགེ་འདུན་ཆོས་ཀྱི་ཉི་མ་མཆོག་དང་ཡབ་ཡུམ་སྐུ་འཁོར་ལྷན་རྒྱས་རྒྱ་གཞུང་གིས་བཙན་ཁྲིད་བྱས་པའི་ཉིན་མོ་ཞིག་རེད། སྐབས་དེ་དུས་ཁོང་ནི་འཛམ་གླིང་ཐོག་ལོ་ན་ཆུང་ཤོས་ཀྱི་བཙོན་པ་ཞིག་ཆགས་ཡོད་ཅིང་།  ད་བར་མི་ལོ་ཧྲིལ་པོ་ ༣༠ འདས་ཟིན་ཀྱང་། ཁོང་དང་ཁོང་གི་ཡབ་ཡུམ་སྐུ་འཁོར་ལྷན་རྒྱས་ཀྱི་གནས་སྟངས་གང་འདྲ་ཡིན་པ་སུས་ཀྱང་ཤེས་རྟོགས་མེད་ལ། གང་དུ་ཡོད་མེད་ཙམ་ཡང་ཤེས་རྟོགས་མེད་པར་ལུས་ཡོད། ༸གོང་ས་༸སྐྱབས་མགོན་ཆེན་པོ་མཆོག་ནས་སྐབས་དེར་དགུང་གྲངས་ལ་ ༦ ལ་ཕེབས་པའི་དགེ་འདུན་ཆོས་ཀྱི་ཉི་མ་པཎ་ཆེན་སྐུ་ཕྲེང་བཅུ་པའི་ཡང་སྲིད་དུ་ངོས་འཛིན་གསལ་བསྒྲགས་བསྐྱངས་རྗེས་ཀྱི་ཉིན་གསུམ་པ་སྟེ། སྤྱི་ལོ་ ༡༩༩༥ ཟླ་ ༥ ཚེས་༡༧ ཉིན་ཁོང་དང་ཁོང་གི་ཡབ་ཡུམ་སྐུ་འཁོར་དང་བཅས་པ་བོད་ལྗོངས་ནག་ཆུ་ལྷ་རི་རྫོང་ནས་བཙན་ཁྲིད་ཀྱིས་ད་བར་ཁོང་རྣམས་ཀྱི་གནས་སྟངས་ཇི་ཡིན་ཤེས་རྟོགས་མ་ཐུབ་པར་ལུས་ཡོད།...