གསར་འགྱུར།

ཕྱི་ལོ་ ༢༠༢༠ ལོར་རྒྱ་ཡིག་གཙོར་བཟུང་གི་སློབ་གསོའི་ཐབས་ལམ་གཉིས་པ་ཞེས་པ་ཨ་མདོ་རྔ་བ་རུ་དངོས་སུ་ལག་བསྟར་བྱ་འཆར་ཡོད་པའི་གླེང་སློང་བྱུང་སྐབས་བོད་ཀྱི་སློབ་གསོ་བ་དང་དགེ་རྒན། སློབ་ཕྲུག་གི་ཕ་མ། ས་གནས་བོད་རིགས་ལས་བྱེད། སློབ་ཕྲུག་སོགས་ཀྱིས་གཞུང་ལ་སྙན་ཞུ་ཕུལ་བ་དང་ཡོངས་ཁྱབ་དགག་རྩོམ་བྲིས་པ་སོགས་ཐབས་ལམ་འདྲ་མིན་གྱི་ལམ་ནས་དགག་པ་ཤུགས་ཆེར་བྱས་པར་བརྟེན་འཆར་གཞི་དུས་ལྟར་ལག་བསྟར་མ་ཐུབ་པར་ལུས་ཀྱང་འདི་ལོ་ཕྱི་ལོ་ ༢༠༢༣ ལོའི་ལོ་འགོ་བཙུགས་པ་ནས་བཟུང་རིམ་བཞིན་ཁུ་སིམ་པོར་དངོས་སུ་ལག་བསྟར་བྱེད་འགོ་བཙུགས་འདུག  

Continue Reading

བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་འདོན་སྤེལ་ཞུས་པའི་ལོ་འཁོར་སྙན་ཐོ་ལྟར་ན་ཕྱི་ལོ་ ༢༠༢༢ ལོར་རྒྱ་ནག་གཞུང་གིས་རིམས་ནད་གཙང་དག་གི་སྲིད་ཇུས་ཟེར་བ་ལག་བསྟར་གྱིས་སྔར་ལས་ལྷག་པའི་དམ་དྲག་ཚོད་མེད་བྱས་ཏེ་བོད་མི་གཙོས་རྒྱ་ནག་གི་དབང་འོག་ཏུ་གནས་པའི་མི་མང་ས་ཡ་མང་པོར་དཀའ་སྡུག་ཚད་མེད་སྤྲད་པ་སོགས་ལ་བརྟེན་ནས་ལོ་དེ་ནི་ཉེ་བའི་དུས་ཀྱི་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཛ་དྲག་ཆེ་ཤོས་སུ་ལྷུང་བའི་དུས་ཚོད་ཅིག་ཡིན་པ་གསལ་འདོན་བྱས་འདུག

Continue Reading

རྒྱ་གཞུང་ཉེན་རྟོག་པས་རྗེས་ཕྱོགས་ལོ་གསར་སྤྲོ་ཚོགས་ཚོགས་སྐབས་ངེས་པར་དུ་རྒྱ་ནག་གི་རྒྱལ་དར་སྒྲིག་གཤོམ་དགོས་པ་དང་རྒྱ་སྐད་ཁོ་ནའི་ལམ་ནས་མདོ་འཛིན་བྱེད་དགོས་པ་སོགས་ཀྱི་ཆ་རྐྱེན་བཏོན་པར་དགེ་དཔལ་གྱིས་ཁས་ལེན་བྱས་མེད་པ་རེད། ལོ་སར་སྤྲོ་ཚོགས་དེའི་ཁར་རྒྱ་ནག་གི་རྒྱལ་དར་མ་བཤམས་པ་དང་ཁ་བྱང་རྣམས་བོད་ཡིག་རྐྱང་པ་ཡིན་པ། གླུ་གཞས་འཁྲབ་སྟོན་ཁྲོད་དུ་རྒྱ་ནག་དམར་ཤོག་ཚོགས་པ་ལ་བསྟོད་གླུ་མེད་པ་མ་ཟད་བོད་གཞས་རྐྱང་རྐྱང་ལས་རྒྱ་གཞས་གཅིག་ཀྱང་མེད་པ་སོགས་རྒྱུ་མཚན་དུ་བགྲངས་ནས་དགེ་དཔལ་ལ་གོང་གསལ་ལྟར་ཉེས་ཆད་བཅད་འདུག 

Continue Reading

འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ཁང་གིས་ཉེ་ལམ་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཆེད་མཁས་མི་སྣ་བཞི་ཡིས་རྒྱ་ནག་གི་བོད་ཀྱི་ཤེས་ཡོན་དང་སྐད་ཡིག ཆོས་ལུགས་བཅས་ཀྱི་སྒང་ལ་བཙན་གནོན་རང་བཞིན་ཅན་གྱི་ཁྲིམས་དང་སྲིད་ཇུས་ལག་ལེན་བསྟར་བཞིན་པ་ནི་རྒྱ་ནག་གིས་འགན་སྲུང་ཁག་ཐེག་བྱས་པའི་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཁྲིམས་དང་སྒྲིག་གཞིར་ཇི་ལྟར་མཐུན་པ་ཡིན་ནམ་ཞེས་ཚ་འདྲི་བྱས་པར་དགའ་བསུ་ཞུ་རྒྱུ་ཡིན།

Continue Reading

བུ་ལོན་གཡོ་ལེན་བྱས་པའི་ཉེས་མིང་འོག་ཚེ་བཙོན་གྱི་ཁྲིམས་ཆད་ཕོག་པའི་བོད་ཀྱི་ཚོང་པ་དང་སྤྱི་ཚོགས་ཞབས་ཞུ་བ་གྲགས་ཅན་རྡོ་རྗེ་བཀྲ་ཤིས་ཀྱི་ནང་མིས་དྲང་བདེན་མ་ཡིན་པའི་ཁྲིམས་ཐག་ལ་ངོ་རྒོལ་བྱས་ཏེ་ཁོང་ཉིད་འཕྲལ་དུ་གློད་གྲོལ་གཏོང་དགོས་པའི་དགོས་འདུན་བཏོན་འདུག རྡོ་རྗེ་བཀྲ་ཤིས་ནི་ཕྱི་ལོ་ ༢༠༠༨་ལོའི་ཟླ་ ༧ པའི་ཚེས་ ༡༠ ཉིན་རྒྱ་གཞུང་ཉེན་རྟོག་པས་འཇུ་བཟུང་བྱས་ཤིང་ཕྱི་ལོ་ ༢༠༡༠ ལོར་ལྷ་ས་འབྲིང་རིམ་མི་དམངས་ཁྲིམས་ཁང་ཟེར་བས་“བུ་ལོན་གཡོ་ལེན་”གྱི་ཉེས་མིང་འོག་ཚེ་བཙོན་གྱི་ཁྲིམས་ཐག་བཅད། ཕྱི་ལོ་ ༢༠༡༨ ལོའི་ཟླ་ ༡༠ པའི་ནང་རྒྱ་ནག་ཁྲིམས་དོན་ལས་ཁུངས་ཀྱི་ཁྲིམས་ལུགས་ཆེད་མཁས་པས་རྡོ་རྗེ་བཀྲ་ཤིས་ཀྱི་ཁྲིམས་ཆད་ནི་“དྲང་བདེན་མ་ཡིན་པ་”དང་“མི་བདེན་རྫུན་སྒྲིག་”བྱས་ཡོད་པའི་གནས་ཚུལ་བསྒྲགས་ཡོད། ཕྱི་ལོ་ ༢༠༢༠ ལོའི་འགོ་སྟོད་དུ་རྡོ་རྗེ་བཀྲ་ཤིས་ཀྱི་ཁྲིམས་རྩོད་པས་པོད་ཕྲན་དྲྭ་བའི་སྟེང་དུ་ཁོང་གཉིས་ཐུག་འཕྲད་བྱ་བར་གཞུང་ངོས་ནས་འགོག་རྐྱེན་ལན་མང་བཟོས་པ་དང་ཁོང་གི་གོང་རིམ་ཁྲིམས་གཏུག་གི་བྱ་བའི་བརྒྱུད་རིམ་ལ་ལོ་ངོ་དྲུག་ཙམ་འགོར་འགྱངས་བྱས་ཏེ་མཐར་ཆོག་མཆན་མ་སྤྲད་པའི་གནས་ཚུལ་བཀོད་ཡོད་པ་རེད།

Continue Reading

ཉེ་ལམ་ཕྱི་ཟླ་ ༡༡ པའི་ཚེས་ ༣༠ ཉིན་གྱི་མཚན་མོར་ཡུལ་ཤུལ་གྲོང་ཁྱེར་རིམས་ནད་སྔོན་འགོག་ལས་ཁུངས་ཀྱིས་ནང་ཆེན་བཀྲ་ཤིས་ཀྱི་ནང་མི་ཚང་མར་རིམས་ནད་བརྟག་དཔྱད་བྱས་ནས་ནད་རྟགས་གང་ཡང་མེད་ན་ཡང་རིམས་ནད་ཕོག་ཡོད་པའི་བརྡ་འབྱོར་ནས་ཟུར་བཀག་ཁང་དུ་བཙན་གྱིས་ཁྲིད་ཡོད་པ་དང་། ཉིན་འགའི་རྗེས་སུ་ལོ་ན་གཉིས་ལ་སོན་པའི་ནང་ཆེན་བཀྲ་ཤིས་ཀྱི་ཚ་བོ་ལ་རིམས་ནད་ཕོག་ནས་ཁ་ལུད་ཡང་ཡང་བསགས་ཏེ་དབུགས་གཏོང་དཀའ་བའི་ཚོད་དུ་སླེབས་སྐབས་སྨན་པར་བསྟེན་ཐབས་བྱས་ཀྱང་། རིམས་ནད་ལ་ཁག་གཡར་ནས་ཕྱིར་མ་བཏང་བ་མ་ཟད་སྨན་བཅོས་ཀྱི་མཐུན་རྐྱེན་གང་ཡང་མ་སྦྱར་བར་ཉིན་འགར་ལྷག་རྗེས་ཕྲུ་གུའི་ཚེ་སྲོག་ཤོག་འདུག 

Continue Reading

དེ་རིང་མཉམ་འབྲེལ་རྒྱལ་ཚོགས་ཀྱིས་འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་བྱས་ཏེ་མི་ལོ་༧༤ འཁོར་བའི་དུས་ཆེན་འཁེལ་ཞིང་འཛམ་གླིང་ཡོངས་སུ་འགྲོ་བ་མིའི་ཐོབ་ཐང་ཉིན་མོ་སྲུང་བརྩི་ཞུ་བཞིན་ཡོད། འདི་ལོའི་བརྗོད་དོན་གཙོ་བོ་ནི་‘མི་ཐམས་ཅད་ལ་ཆེ་མཐོང་དང་། རང་དབང་། དྲང་གཞག་’དགོས་པ་དེ་ཡིན། ང་ཚོས་དེ་རིང་འགྲོ་བ་མིའི་ཐོབ་ཐང་སྲུང་བརྩི་ཞུ་བཞིན་པའི་སྐབས་འདིར་བོད་ནང་གི་བོད་མི་ཚོ་གཙོས་པའི་མི་མང་ས་ཡ་མང་པོས་ད་དུང་རྒྱ་ནག་གི་རིམས་ནད་གཙང་དག་ཟེར་བའི་གདུག་རྩུབ་ཆེ་བའི་སྲིད་ཇུས་དེ་འོག་ཏུ་དཀའ་སྡུག་ཚད་མེད་མྱངས་དང་མྱོང་མུས་ཡིན་པས་རྒྱ་ནག་གཞུང་གིས་ནོར་འཁྲུལ་ཅན་གྱི་རིམས་ནད་གཙང་དག་གི་སྲིད་ཇུས་ཟེར་བ་མཚམས་འཇོག་བྱས་ཏེ་འགྲོ་བ་མིའི་ཐོབ་ཐང་ལ་བརྩི་བཀུར་དགོས་པའི་འབོད་སྐུལ་ནན་པོ་ཞུ་རྒྱུ་ཡིན།

Continue Reading

ན་ནིང་རྩོམ་པ་པོ་སྒོ་ཡོན་འཇུ་བཟུང་བཙན་ཁྲིད་བྱས་ཟིན་པའི་གནས་ཚུལ་ཤེས་རྟོགས་བྱུང་མཚམས་སུ་འདི་ག་ལྟེ་གནས་ཁང་གི་ངོས་ནས་ཁོང་དང་ན་གཞནོན་ཤེས་ཡོན་པ་ས་བུ་ཆེ། སྙན་ངག་པ་རོང་བོ་དགེ་འདུན་ལྷུན་འགྲུབ་དང་རོང་བོ་གངས་དཀར་སོགས་ཀྱི་གནས་བབ་ཐད་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཆེད་མཁས་ཚན་ཁག་ལ་སྙན་གསེང་ཞུས་ཀྱང་རྒྱ་གཞུང་གིས་ས་བུ་ཆེ་དང་རོང་བོ་དགེ་འདུན་ལྷུན་འགྲུབ་གཉིས་འཇུ་བཟུང་བྱས་ཟིན་པ་ངོས་ལེན་བྱས་པ་མ་གཏོགས་སྒོ་ཡོན་གྱི་སྐོར་ལ་གསལ་བཤད་གང་ཡང་བྱས་མ་སོང་།  ཉེ་ལམ་ཁོང་ཉིད་གློད་གྲོལ་ཐོབ་ཟིན་ཡོད་ན་ཡང་དེ་མིན་བོད་ཀྱི་ཆབ་སྲིད་བཙོན་ཟུར་དང་རྩོམ་པ་པོ་ཁག་ཅིག་ལ་བཙོན་འཇུག་ཁྲིམས་ཆད་ཤིན་ཏུ་ལྕི་མོ་བཏང་འདུག 

Continue Reading

དེང་གི་དུས་སུ་རྒྱ་གཞུང་གི་རིམས་ནད་གཙང་དག་གི་སྲིད་ཇུས་དང་དམ་དྲག་བཀག་བསྡོམས་ལ་མི་དམངས་ཀྱིས་ངོ་རྒོལ་བྱེད་བཞིན་པའི་གནས་ཚུལ་གཅིག་རྗེས་གཉིས་མཐུད་དུ་འབྱུང་བཞིན་འདུག བོད་དུ་རིམས་ནད་ཀྱི་ངོ་རྒོལ་བྱུང་བའི་སྐབས་སོགས་སུ་རྒྱ་གཞུང་གིས་བོད་མི་ཚོར་དམིགས་བསལ་གྱི་དམ་དྲག་དང་བོད་མི་མང་པོ་བཀག་ཉར་བྱས་ནས་རྒྱ་བོད་གཉིས་ཀྱི་དབར་ལ་དབྱེ་འབྱེད་བྱས་པའི་གནས་ཚུལ་མང་དག་ཅིག་བྱུང་འདུག

Continue Reading

བོད་མདོ་སྨད་རྔ་བ་ཀིརྟི་དགོན་པའི་དགེ་བཤེས་རྭ་ཆུང་དགེ་འདུན་ལགས་དང་དགེ་བཤེས་བསོད་ནམས་རྒྱ་མཚོ་ལགས་རྣམ་གཉིས་ན་ནིང་ཕྱི་ཟླ་ ༤ པའི་ནང་དུ་རྒྱ་གཞུང་ཉེན་རྟོག་པས་འཇུ་བཟུང་བཙན་ཁྲིད་བྱས་ཏེ་ལོ་གཅིག་ལྷག་སོང་རྗེས་འདི་ལོའི་ཕྱི་ཟླ་ ༧ པའི་ནང་དུ་རྭ་ཆུང་དགེ་འདུན་ལགས་ལ་ལོ་གསུམ་དང་བསོད་ནམས་རྒྱ་མཚོ་ལགས་ལ་ལོ་གཉིས་ཀྱི་དུས་བཀག་བཙོན་འཇུག་གི་ཁྲིམས་ཐག་བཅད་འདུག ཁོང་རྣམ་གཉིས་ལ་ཁྲིམས་ཐག་གཅོད་སྐབས་ནག་ཉེས་གཙོ་བོ་ནི་ཁ་པར་བརྒྱུད་དེ་༧གོང་ས་མཆོག་དང་སྐྱབས་མགོན་ཀིརྟི་རིན་པོ་ཆེ་རྣམ་གཉིས་ཀྱི་སྐུ་མདུན་དུ་སྐྱབས་ཞུའི་ཆེད་དུ་དངུལ་བསྐུར་ཡོད་པའི་གནས་ཚུལ་ཤེས་རྟོགས་བྱུང་བ་དེ་ཉིད་ཡིན་ཚུལ་བརྗོད་འདུག

Continue Reading

ཁུངས་ལྡན་གནས་ཚུལ་འབྱོར་བ་གཞིགས་ན་ཁོང་རྣམ་འཇུ་བཟུང་བཀག་ཉར་བྱེད་དོན་ནི་མགྱོགས་འཕྲིན་སྟེང་གི་གླུ་གཞས་འགྲན་བསྡུར་ཞིག་ཏུ་༧གོང་ས་མཆོག་ལ་བསྟོད་པའི་གླུ་གཞས་ཤིག་བཏང་བའི་རྒྱུ་མཚན་གྱིས་ཡིན་པ་འགྲེལ་བརྗོད་གནང་བྱུང་།

འཇུ་བཟུང་བཀག་ཉར་བྱས་པའི་ཁྲོད་དུ་འགྲན་བསྡུར་ཁྲོད་དུ་གླུ་གཞས་དངོས་སུ་གཏོང་མཁན་གྱི་གཞས་པ་བདེ་རབ་དང་ཁོང་གི་རམ་དཀྲོལ་བ། དེ་མིན་གྱི་རོགས་པ་གསུམ་བཅས་ཁྱོན་བོད་མི་ལྔ་ཡོད་པ་མཉམ་གཅིག་ཏུ་ཉེན་རྟོག་ཁང་དུ་ཁྲིད་དེ་བཀག་ཉར་བྱས་འདུག

Continue Reading

to top